Dang iakren ban rah ia ka Jhalupara Police Outpost sha Jingkieng Umsherpi: Hamletson

Shillong, Naiwieng 14: U Myntri ba dei peit ia ki kam pynroi sor u bah Hamletson Dohling ba dei ruh u MLA jong ka Mynlliem u la ong ba ka jingiakren ka dang iaid ban rah ia ka Jhalupara Police Outpost sha jingkieng Umsherpi.

Haba ia kren bad ki lad pathai khubor u bah Hamlet u la ong ba ka jaka ha Umsherpi kaba dei jong ka jingkieng rim ba hap hapoh ka jingpeit jong ka PWD mynta sah thylli ha dien bala don ka jingkieng kaba thymmai kaba ia iaid mynta.

Ka jingialeh ban wanrah ia kane ka Police Outpost sha katei ka jaka long namar ba ka jaka ha jingkieng Umsherpi kam long kaba shngian ia ka iaid ka ieng jong ki paidbah namar ha kane ka jaka la bun ka jingshah lute ha ki riew sniew.

Kawei pat ka daw kaba u la ai ka long ba ka Jhalupara kaba don ka Police Outpost mynta ka peit na duh Jahalupara sha duh Mylliem ka jaka kaleh bad kane ka police out post kaba don mynta ka shem jingeh ia ki paidbah ban leit ha ka por miet namar ka dei sha kyndong.

Na ka liang jong u kum u nongmih khmat katei ka jaka u kwah ba ia ka Jhalupara Police Out post dei ban rah noh sha jingkieng Umsherpi ka jaka balong pdeng bad ka jaka ruh ka dei ka jaka jong ka sorkar.

La aithuh ba ka jaka ba don ki pulit ha Jhalupara ka dei bka shu shong wai kan bha ia ka sorkar ba kan don ia la ka jong ka iing ia ki pulit, la iathuh ba kane ka jingiakren ka dang iaid bad ka sorkar.

What Next?

Recent Articles

Leave a Reply

Submit Comment

*