Shillong, Jymmang 29: Ki pulit jong ka Mawlai ki dang pynlong ia ka jingtohkit ban lap ia ka kyrteng jong ka kynthei kaba la ioh tam mynta ka sngi ha Mawiongrim. Ia ka met jong kane ka kynthei la pynkit sha Civil Hospital Shillong ban pyndep ia kaba don kam.
Katkum ka jingithuh jong ki pulit la ong ba ki briew kiba iaid ba iieng kila sngew ia ka jingsma kaba kham phylla bad haba la leit ban peit kila iohi ia ka met briew bad kila pyntip sha ki pulit.
Na ka liang jong ki pulit kila leit ban sei ia kane ka met na katei ka jaka bad mynta kila pynlong ia ka jingtohkit ban lap ia ka daw jong kane ka jingiap kane ka briew ha kane jaka. Hato kane ka briew kala shah pyniap bad bret ia ka met jong ne na kiwei pat ki daw.
Na ka liang jong ki pulit kila ong ba haduh mynta kim pat tip ia ka kyrteng jong kane ka kynthei briew bad kila pynlong ia ka jingtohkit ban lap ia ka kyrteng bad ban wad ia ki nongleh kam sniew.
