Shillong, Iaiong 15: Mynta ka sngi kala don ka jingjia kaba sngewsih ha kaba kawei ka long iing ha Tuber Kmaishnong ha East Jaintia Hills District kawei ka long iing kala duh ia ka iing ka sem na kadaw jong ka jingshah pynjulor ha ka thyliej ding, ha kane ka jingjia ki briew kiba don ha kane ka iing kila lait na kane ka jingmynsaw.
Ki para nongshong shnong haba kila ioh ba kala klang ka ding kila ia mih ban tem ia da kaba theh um haduh ban da wan ki kali pynlip ding jong ki pulit la lah ban tem, ha kane ka jingjia baroh ki jingdon jingem kila shah pynjulor lut khait.
Mar ia ioh ia kane ka jingtip na ka liang jong u MLA barim kane ka jaka u bah Justine Dkhar u la leit ban ai jingiarap ia kane ka iing jogn ka kong Duhka Dkhar kaba la shah ktah pynjulor ha kane ka jingpluh ding, ka jingiarap kaba la ai dei da u khaw bad ki borti um.
