Shillong, Nailur 07: ka Bharatiya Janata Yuva Morcha (BJP Youth Wing) Meghalaya Pradesh,ka pynrem jur ia ka sorkar jylla ia ka jingleh bymsuiniew jong ka ha kaba ia dei bad ka jingshah kyntait jong ki samla pule kiba la shah jied ban leit pule doctor ha ki Medical College ha Assam.
Ka BJP Youth Wing ka ong ba kane ka dei ka jingniew bein ia ki paidbah jong ka jylla Meghalaya baroh kawei ha kaba ka sorkar kala kheinsting ia ka lawei jong ki samla pule ka jylla, la kynnoh ka BJP Youth Wing. La ong ba ka sorkar ka kham shim khia ban pynlong ia ki tamasa ba kin long ki lad ia kam ai jam ia ki khun snamla.
Kane ka jinghuri hura ha kaba ia dei bad ki samla pule kiba leit ban pule doctor ka kdew shai kdar ba ka sorkar kam lah ban trei kam, dei halor katei ka nongrim ba ka seng BJP ka daw ia u Myntri rangbah ka jylla bad ka kynhunmyntri ki dei ban hiar shuki. Ong u bah Egenstar Kurkalang, State President BJYM, Meghalaya.
