Shillong, Lber 11: U Bah Ernest Marwri President jong ka BJP Meghalaya State Unit, u la dawa ba dei ban pynjari ia ka jingsynshar Administrator Rule hapoh jong ka Garo Hills Autonomous District Council.
Ha ka kyrwoh kaba la phah mynta ka sngi na ka liang jong u Bah Ernest Mawri u la kynnoh ba ka jingshah rem ha ka motion bym don jingshahniah shuh ia ka EC kaba la ialam da ka NPP ha GHADC ka dei tang ka daw ba pyntip dir por ban long dorbar mynta ka sngi.
U president ka BJP u la ong ba u Lamphang jong ka GHADC u la pyntip ia ka jinglong dorbat tang ha ka por 10.00 baje mynstep bad ka dorbar ka long ha ka por 11.00 baje mynstep don ki MDC ki ioh ia ka jingpyntip ban long dorbar ha poh iing dorbar.
Ha kane ka jingiathep vote na ka liang jong ki MDC kila dawa ban don da ka jingiathep vote hynrei la pynlong da ka jingianiew khlieh, ha kane ka jingianiew khlieh kila ia ioh mar 14 ngut bad haba poi ka jingiadon mar ryngkat ki MDC u Lamphang u la niew ia la de sha ka liang synshar bad kila jop ia ka motion bym don jingshaniah.
U Bah Ernest Mawri u la ong ba ka jingshah rem ha kane ka motion bym don jingshaniah ka dei namar ba u wei u MDC jong ka BJP u la poi slem sha iing dorbar. Ha ka iing dorbar kaba 30 ngut da ka jingniewlang ia u Lamphang sha ka liang synshar kala pynlong ba ka NPP kala jop ha kane ka motion bym don jingshaniah.
