Dawa ka CoMSO na u Conrad ba baroh ki MLA kin leit sha Delhi ban dawa ILP

Shillong, Nohprah 03: Ka CoMSO mynta ka sngi kala ia kynduh ia u myntri rangbah ka jylla u Conrad K Sangma ban pynpaw ia ka jingpyrshah halor ka jingpdiang ka sorkar pdeng kala pdiang ia ka CAA, kumba ka long mynta 97% na ka jylla kala lait na katei ka ain hynrei 3% ki ngat ha ka CAA bad kine ki jaka kiba long 3% ki dei ki jaka ba kine ki briew kin wan sha ka jylla.

Ha kane ka jingiakren na ka liang jong u myntri rangbah ka jylla u la iathuh ba haduh mynta kam pat don kano kano ka aplikoshon kiba dei ki briew na Bangladesh, halor kane ka CoMSO kala ong ia u myntri rangbah ba lada jia ba ki don ki aplikoshon ka sorkar kam dei ban pdiang.

Ha kane ka jingiakynduh kila ia kren halor ka jingpyntrei kam ia ka ILP ha kane ka jylla, ka ILP ka dei ka jingdawa kaba la slem bha hynrei ka sorkar India kam pat ai haduh mynta, baroh shitkatta la kynnoh ba ka sorkar jylla kam shym la ai ia ka jingmynjur hynrei mytna ka sorkar kala mynjur kata ruh kam pat ai ia ka ILP ha kane ka jylla.

Lada peit ha kiwei ki jylla, kum ka jylla Mizoram ka don ia ka ILP bad ka don ruh ia ka Sixth schedule bad kumba ka long mynta ba wat ka jylla Arunachal Pradesh ka shim ia ka rai ban pynhap hapoh ka Sixth Schedule, ban dang ia nujor bad kiwei kam don shuh ban ai iawei yn ai ia kiwei yn nym ai.

Kata ka jingkren ban ong ba ka jylla Meghalaya ka dei ka jylla kaba ki iaid lynti kiwei kata ka long kaba ym lah ban pdiang, lada ka don kum kata ka jingeh lah ban shna ia ki kyndon, ka jingkwah ia ka ILP ka long ba kim ioh ban shong shnong ba kum ka jaidbynriew kan duh ia ka hok.

Halor kine kila pynsngew ia u myntri rangbah bad ha kane ka jingiakren na ka liang jong u myntri rangbah la ong ba u la shim khia ia kane ban ia kren bad ka tnad kam poh iing ka sorkar pdeng bad kumba ka long haduh mynta ba ka sorkar pdeng kan ong em ruh kam pat ong ban ong haoid ruh kam pat ong halor kane ka jingdawa ILP ka jylla.

Ha kane ka jingiakren ka liang jong u myntri rangbah u la pynpaw ba u don ka jingpyrkhat ba u lah ban khot ia ka jingialang jong baroh ki seng sain pyrthei ban ia kren ia kane ka phang bad u myntri rangbah un bud dien ia kane na ka liang ka CoMSO ka daw ba dei ban ia leit lang baroh ki MLA.

Na ka liang jong ka CoMSO kala ong ba kane kam dei ka kam jong ka sorkar marwei hynrei ka dei da baroh ki MLA jong ki seng sain pyrthei ki hap ban shim khia bad kimd ei ban ia leh politik ia kane ki dei ban shim lang ia ka jingkit khlieh ha kaba ia dei bad kane ka jingdawa ILP.

Ha kane ka jingiakren la ia kren ruh ia ka MRSSA Amendment Bill, 2020 kaba la kren shai ki briew kiba wan sha ka jylla ki dei ban da register bad ha kaba ia dei bad kane na ka liang jong u Lat ka jylla la pan jingpynshai bad ka sorkar kala jubab ia ki jingkylli jong u. Na ka liang jong ka CoMSO kan sa leit ban ia kynduh ia u Lat jong ka jylla halor kane ka Bill.

Na ka liang jong ka CoMSO kan pynlong ia ki jingiakhih shongkyllain mungor ha madan Malki ha Shillong bad kan pynlong ruh ha baroh ki jaka pdeng jong ki District bad kum juh ha ki Civil Sub Division kane ka long ka jingiakhih kaba ka CoMSO kan sdang ban dawa ia ka ILP.

U bah Robert u la ong ba kila ia kynduh ia u MP Rajya Sabha namar kum u MP u lah ban ia kren hapoh Parliament ha kaba ia dei bad ka rai jong ka sorkar pdeng ban dawa ia ka ILP, ha kane ka jingiakren u Dr. W  R Kharlukhi u la ong ba u ai ka jingkyrshan ia ka ILP bad un sa thoh sha u myntri rangbah duh jong ka Ri India bad ha ka jingialang jong ka NDA un sa kren ia kane.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet