Dawa ka CORP ia u SDO jong ka MeECL ha Patharkhamah ban shna noh ia ka ophis

Shillong, Iaiong 25: Ka Confederation of Ri Bhoi People (CORP) sengkmie ka dawa na ki bor pyniaid MeECL ban shna noh ia ka ophis treikam jong u SDO MeECL ha Patharkhmah Ri Bhoi sepngi.

Ha ka jingshisha katei ka ophis la dei ban shna la slem namar na ka liang ka shnong ka la ai jaka ban shna ia katei ka ophis na bynta ka jingmyntoi lang na baroh arliang ka MeECL bad ki paidbah ka thain.

Ka jingbym don ophis jong ka MeECL ha ka thain Ri Bhoi sepngi ka pyndkhoh lut ia ka jingtreikam khamtam haba iadei bad ka jingsiew bill light teng teng la shu pynlong ophis ha iing dorbar ban siew bil light ne ha dukan sha, kane pynlong ia ka MeECL ban duhnong namar ba ki paidbah haba kim kynduh ia ki briew briew ba dei peit kim ioh ban siew bill man u bnai bad pynkylla dap ram ia ki paidbah.

Ki rangbah shnong ne ki paidbah haba ki kwah ban iakynduh ia ki nongtrei ka MeECL hap ia kut ha surok ne dukan sha ban iakren kam, kata lada ioh ban phone ha ka por ba long network bad lada ym network ym ioh ban iakren ne kynduh khamtam haba lip light ki hap shong dum da ki taiew ki bnai ban ujor ki shitom bym don ophis treikam ha katei ka thain. Kane ka dei ka jingeh ba ki paidbah ki kynduh man ka por ha ka thain Ri Bhoi sepngi.

Ha kajuh ka por, na ka liang ki nongtrei ka MeECL ruh ki shem jingeh ban treikam khamtam haba don jingthud ne duh bording bym don ophis treikam bad wat para nongtrei ki shitom ban iakynduh bad pynbeit kam ban leit ban wan na kawei ka shnong sha kawei namar ba jngai nalor ba duna ki nongtrei ka MeECL.

Kumta ka CoRP ka dawa ba ka MeECL ka dei ban shna noh ia katei ophis treikam khnang ba ki nongtrei jong ka ki suk ban treikam bad iakynduh ia ki paidbah ba wan donkam, la pynkut ka kyrwoh khubor kyrwoh khubor ba la phah da u Bah Gershom Hat Vice President ka CoRP.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet