Shillong, Jymmang 27:Ki Dkhot ka Confederation of Ri Bhoi People CORP Umshaken Unit ryngkat ka jingsynran lang u General Secretary jong ka CORP Seng kmie u bah EG Shylla. Hadien ka jingiohi jong ka ia ka jingpynsahteng jong u Contractor uba pyntrei ia ka Jingkieng kaba ha Umshaken sha Umjari bad kaba la sahteng mynta da ki phew snem tam snem khlem pyndep.
Ka CORP ka shim ba kane ka jingleh jong u contractor ka pynbitar ia ki paitbah katei ka thain namar ka jingpynsahteng iaka jingkieng ka la pynshitom shibun iaki paitbah kiba leit kiba wan naka tei ka surok khamtam iaki ba pang ba shitom. Da ka jing sngewkhia halor kane ka jingeh, kala leit kynduh ia u Executive Engineer ka PWD Nongpoh Division, bad ka Seng kala dawa ba U EE PWD Nongpoh un tuklar hi noh ia u tei u Contractor u ba shim contract iaka tei ka jingkieng, ba u dei ban pyndep noh kloi hapoh artaiew.
La dawa ruh ba lada u Contractor um lah ban pyndep noh kloi, ka office PWD ka dei ban aiti noh ia katei ka kam sha ki wei ki Contractor kiba lah ban trei bad pyndep iaka kam kumba la mang daka sorkar, khang ba katei ka surok bad ka jingkieng kan ai shisha iaka shakri naka bynta ka jingbit jingbha ki paitbah kumba la mang daka sorkar.
Ka CORP Umshaken Unit kala dawa ruh naka PWD lyngba U EE PWD Nongpoh ba ka office kan maramot noh iaka surok kaba laduh naduh Umden shaduh sha Umshaken, khnang ba kan pynsuk pynsain iaki paitbah ka thain haka leit kawan, khamtam naka bynta ki ba pang ba shitom. Kane ka long katkum ka kyrwoh khubor na u Publicity Secretary CORP Central Body Bah. Balan Jalong.
