Shillong, Nohprah 14: U bah Apbor Nognrum President ka seng HITO jong ka Ri Bhoi District u la ong ba na ka liang ka seng ki kwah ba ka sorkar kan pyniaid shakhmat ia kaei ka jingthmu ka Election Commission ka Ri India kaba la pynmih ha ka 4th Naiweng 2022.
Katkum ka tei ka jingpynbna ka long ba pynkynriah kam ia baroh ki ophisar kiba la trei palat iaka 3 snem. Naka liang jong ka HITO kala phah da ka jingthoh sha u Chief Secretary ka jylla, sha u Chief election officer ka Jylla bad sha u bah Hamlet Dohling myntri ba dei pet ia ka tnad pynroi nongkyndong.
Ka jingphah jingthoh na ka liang jong ka seng ka long ban dawa ba dei ban pynkynriah kam noh ia u Block Development Officer ka Umsning Block namar ba u la trei la san snem dune ei ei hapoh ka juh ka jaka.
U bah Apbor president ka HITO la ong ba katkum ka service rule ka long ba ia ki nongtrei sorkar dei ban pynkynriah kam man ka lai snem ha dien ba kila trei ha juh lai snem ne palat ia kata.
Haba ia dei bad ka jingthmu ban pynkynriah ia ka ophis jong ka Umsning Block sha kawei ka jaka, na ka liang jong ka HITO ka long kaba la kloi ban mih surok ban pyrshah ia kane ka jingthmu, kumno un rah ia ka ophisa na ka jaka ba don 10 akar sha ka jaka ba don tang ar akar la kylli ha HITO, u nongialam katei ka seng u la ong ba mynta kala don kata ka jingphah soi sop sop ha ki rangbah shnong ia kaba ka seng ka pyrshah tyngeh.
