Shillong, Risaw Ka Hynñiewtrep Youths’Council (HYC) Education Cell hynne ka sngi ka la leit ban ia kynduh iaki bor pyniaid ba peit iaka pule puthi naduh ka tnad MBOSE, District School Officer bad kumjuh iaka Directorate of Higher Education and literacy Shillong.
Kane ka jingleit kynduh ka long halor ka nongrim ban dawa ia pynkynriah shwa iaka jingpynlong iaki selection test na bynta ki khynnah pule class 10 kiba hap ban iakhun iaka examine SSLC ha u snem 2022.
Ka Jingleit kynduh Jong ka seng ia kine ki Bor pyniaid ka dei hadien ka jingujor na kiba bun ki khynnah pule class 10 halor ka jingpynmih iaki notification naka tnad MBOSE bad naki District School Education Officer ban bthah iaki skul ban pynlong Noh iaki selection test mynta ka bnai.
Ka Seng ka la pynsngew ba kane ka jingbthah ba kynsan Kynsan ka la ktah iaki jingmut jingpyrkhat Jong ki khynnah kumno ban pynkhreh, namar wat iaki skul ruh ki dang shu plie Shen dang mynta shibnai.
Kan nym long kaba suk iaki khynnah pule namar ki jinghikia ba ki dei ban ioh pura ruh kim shim la ioh baroh shi katta lyngba ki offline classes namar ka jingkhangdam naka daw khlam Covid 19, khamtam haka subject mathematics bad science kiba dei ki subject ba donkam bha ban ioh iaki jingbatai.
Kumta ka Seng ka la dawa ia kine ki tnad pule ban kin pynkynriah shwa iaka jingthmu ban pynlong iaki selection test haki skul, bad bad ba ki dei ban aipor kylluid la kumno kumno 2 bnai iaki khynnah pule ban pynkhreh ha shwa ba kin pynbna iaki examine selection test.
