Shillong, Jylliew 07: Ka seng HYC na Ri Bhoi District mynta ka sngi ka leit ban ia kynduh ia u Chief Executive Member jong ka KHADC u Bah Teinwell Dkhar ha kaba kila dawa ba dei ban pynduh noh ia u Rangbah shnong jong ka shnong Upper Nerbong kaba don ha Byrnihat jong ka Ri Bhoi District namar um dei khasi.
Haba kren ha ki lad pathaikhubor u bah Warnes Lamin president jong ka HYC Byrnihat, la ithuh ba ka long kaba sngewlyngoh ba ha kane ka shnong Upper Nerbong ka shnong kaba la thaw da ki bym dei khasi kila thung ia la u jong u rangbah shnong jong ki kaba long pyrshah iaki ain jong ka District Council.
Shuwa ban wan ia kynduh ia u CEM jong ka KHADC ka seng kala ia kynduh ia u Syiem Riad Marwet u bah KN Syiem, BDO jong ka Umling, ki bor jong ka District Adminstration jong ka Ri Bhoi ha kaba barih ki la thet kti ia kane bad ka trai jaka ruh kala ong ba kala ai sah ia ki shipor hynrei mynta kila thaw da ka shnong.
Ha kane ka jingiakynduh na ka liang jong u CEM jong ka KHADC u Bah Teinwell Dkhar u la kular ia ki nongialam kane ka seng ba yn sa leit phah tohkit ia kane bad ha dien ka jingtohkit yn sa khot hajir ia u Syiem Riad shuwa ban pynmih ia kano kano ka hukum.
U bah Johny Syiem General Secretary u la ong ba na ka liang jong ka seng kan ap ia kaei kaba u CEM ula kular ha khmat jong ki mynta ka sngi bad lada kane ka jingiakren kam poi sha kano kano ka jingiakren ka seng kan sa leh ia kaba don.
