Jowai, Risaw 26: Ka Jaintia Students Movement Central Body (JSM) ka dawa ba dei ban weng noh ia baroh kito ki nonghikai ba la shuthung shipor kiba don ha ki Govt. Lower Primary School (GLPS) bad Govt. Upper Primary School (GUPS) ha East Jaintia Hills District ia kaba la thung ia ki khlem da don kano kano ka jingkhot tynjuh jingtip ban tip ia ka jinglah jong ki ban hikai.
Katkum ka RTI kaba la ioh da ka seng JSM, u Bah Leningingstar Rymbai na ka ophis jong u Sub Divisional School Education Officer (SDSEO), Khliehriat, East Jaintia Hills District dang shen la ong ba ki don bun ki nonghikai kiba la shut hung shipor na ka daw ba la ai jingmynjur da ki br kiba halor.
U bah Rymbai u la ong ba halor ka jingkylli la ka tnad pule ka khot ne em ia ka jingpynbna paidbah ha kaba ia dei bad kane ka kam, ka jubab kaba kila ioh ba kane ka jingleh ka long tang kum ka jingiapynbeit ba shipor bad la jubab ba ka jingthung kam hikai ka long tang na ka bynta 59 sngi. Kumba ka long mynta ki don haduh 30 ngut ki nonghikai ba shipor.
