Shillong, Naitung 21: Ka seng ka Khun Khynthei U Hynniewtrep Association (KKHA) mynta ka sngi kala dawa ba ka sorkar ka dei ban pyntrei kam noh ia ka ain ba ia kino kino kiba don kti ha kaba leh beijot dei ban set phatok shijingim.
Haba kren ha ki nongthoh khubor mynta ka sngi ka kong B Snaitang general secretary jong ka seng kala ong ba ka sorkar ka dei ban jubab ia kane ka jingdawa hapoh ar bnai lada ka sorkar kam lah ban jubab ka seng kam ban se ban ia khih paidbah.
Ka KKHA ka ong ba dei ban don ki ain kiba khlain ban nym ai lad da kaba suk ia ki briew kiba don kti ha ki kam leh beijot ba kin ioh jamin da kaba suk. Kane ka jingdawa jong ka seng ka long namar ba la iohi ia ka jingkiew jong ki kam leh bor pyrshah ia ki kynthei khynnah ha kane ka jylla.