Shillong, Lber 31: Ka KSU Mawkyrwat Circle ka pynpaw ka jing sngewkhia ka bajur halor ka jingbym shim khia ka Education Department jong ka Sorkar Jylla bad ki nongmih khmat iaka jingdonkam ki School haka thain khamtam ha ki jaka ba kham kyndong jong ka thain Mawkyrwat.
Ka KSU Mawkyrwat Circle ka pynpaw iaka jingsngewkhia halot ki jingeh jong ki nonghikai School Deficit kiba don tang uwei u nonghikai bad kawei ka School ka don tang kawei ka Sanctioned post. Kane ka buh jingeh shibun ia u ne ka nonghikai ban shakri iaki khynnah School naduh Nursery, Class-I haduh Class-V.
Kumjuh ruh kan buh jingeh iaki khynnah School ba kin kiew ne sngew thuh namar kumno u nonghikai un lah ban shakri bad shim ia baroh ki subject , Kane kan buh jingeh ia ka jingkiew ki khynnah bad ia ka School baroh kawei. Kine ki School ki dang bun hapoh ka District bad hapoh ka jylla jong ngi ki School kiba dang don tang shi post kawei ka School.
Kumta naka liang ka Seng ka kyntu iaka Sorkar ne Department bakan phai khmat sha kine ki School kiba dei ki lyngkha kiba dang shah iehshrah namar don pat ki School kiba don ar post ne lai post ne saw post ki shakri ka juh ki class ki pyniaryngkat iaki School ba don tang shi post.
Ka Seng ka kyrpad iaka sorkar ba kan phai khmat lem shaka pule ka puthi sha ki thain nongkyndong bad ban upgrade noh ne ban da ithuh shi syndon iaki skul upper primary sha ki secondary school kiba ladep upgrade bad ban affiliated noh iaki unaffiliated School.kane kanlong ka jingmyntoi na ka bynta ki khynnah kiba wan naki long iing longsem bymbiang haka ioh ka kot.
Hakajuh ka por kan pynduna iaki khynnah kiba pep skul shiteng por, ka seng kala idon kam kyrkieh ia ki Secondary School haki thain kum ki shnong kiba hap hapoh ka Phlangkyngshi area kaba kdup iaki shnong Domtynrong, Phlangkyngshi mihngi, Phlangkyngshi sepngi, phlangjaud kiba ka jingdon briew kala kot palat iaka saw hajar ngut.
Ki paid nongshong shnong bad kumjuh ruh haki thain pynnoh riwar Mawbidong-Manad ka kdup iaki san tylli ki shnong bad thain Nongnam kaba kdup buntylli ki shnong kine ki long ki shnong kiba ka jing jngai kumba 20km haduh 25km naka distrik headquarter jong ka south west khasi hills Mawkyrwat.kiba ka jingdon briew kala palat iaka hynriew hajar ngut ki nongshong shnong.
Ka seng haba iadei bad kane kan sa lum iaki Nonghikai bad kan sa rah ruh ia kane ka mat sha u Director of Schools, Education and Literacy bad sha kiwei pat. Ka kyrwoh na u samla Tanlumbor K. Kharai, Education Secretary, KSU Mawkyrwat Circle.
