Shillong, Risaw 31: Ka seng Samla pule KSU mynta ka sngi kala leit ban aid a ka jingthoh sha u myntri rangbah ka jylla u Dr Mukul Sangma ban dawa ba ia ka Mawryngkneng C&RD Block dei ban pynkiew kyrdan noh sha ka Civil Sub Division.
Ban pynksan ia kane ka jingdawa ka jong ka seng na ka liang jong ka KSU kala kdew ba katkum ka khana samari jong u snem 2011 ka Mawryngkneng Block ka don haduh 64 tylli ki shnong bad ki paidbah nongshong shnong ki don 67291 ngut bad kane ka block ka kyntup ia ki lai tylli ki konstitwensi, ka Mawryngkneng, ki bynta jong ka Mawkynrew bad ka Nongkrem.
Na kitei ki dak kiba la kdew ka Mawryngkeng kala dei hokb an ioh ia ka Civil Sub Division na ka bynta ka jingmyntoi jong ki paidbah katei ka thain. Na ka liang jong ka KSU ka kyntu ia u myntri rangbah ba un pdiang ia kane ka jingdawa jong ka seng na ka bynta ka jingmyntoi jong ki paidbah katei ka thain, la doi da u Bah Reallystar Nongspung president bad u Shiningstar Kharbihkhiew Secretary.
