Shillong, Risaw 03: Ka KSU South West Khasi Hills District ka phah ia kane ka kyrwoh ban pan jingshai naka Garo Students’ Union Khonjoy Regional Unit ba ki dei kiei ban ai jingpyntip maham ia ki trai jaka bad ki trai shnong Khasi ban nym shna ing hala ka jong ka jaka ne ban pynsangeh iaki jingtrei ba la trei daki trai jaka haka jaka lajong nadu
h Khonjoy area haduh Maheshkhola.
Hlaor katei ka jingpyntip jong ka GSU na ka liang jong ka KSU SWKH District ka maham jur ba ka GSU ba kan nym wan tuklar than iaka kam khyndew kam shyiap bad na ka liang ka KSU ka sngewthuh ba kane ka dei ka jingsdang jongki ban wanrah iaka jingsngewiapher Jaitbynriew.
Ki dei kiei maki ban leh mynleh pyni iktiar, namar ki ruh ki don ka iktiar hynrei ban ai hukum hynrei ki sngew ba kim kwah ban wanrah iaka mynsiem iapher Jaitbynriew hapdeng ki nongshnong shnong ha ka jylla. Ka KSU ka dawa iaka GSU Khonjoy Regional Unit ba ka dei ban pyrkhat arsien bad weng noh ruh mardor ia kine ki hukum ha shwa ba ka KSU ruh kum ka seng kin hap ban pyrkhat da kawei ka lynti.
Wat pyrshang tuklar iaka kam khyndew kam shyiap kumba kim pat tuklar hi ruh iaka kam khyndew kam shyiap jong ki ha Ri lum Garo lem kumta kim banse ban hap pynphai pat daki kam halor kane ka jingleh jongki la ka long da kano Kano ka kam ruh.
La kyntu ruh iaki trai jaka Khasi ba kumba ka dei ka jaka jong phi phim dei ban tieng ne syier namar ka seng ka shim ka jingkitkhlieh ba pura bad ka don ha syndah jong ki. Ki trai jaka ba dei ki Khasi phi lah ban leh katba phi sngewbit ha jaka la jong khlem Kano Kano ka jingsngewtieng ne sngewsyier bad lada jia eiei ka KSU ruh kim banse ban hap pynphai kylla bad ka GSU Khonjoy Regional Unit ka hap ban shim iaka jingkitkhlieh namar dei maka ba sdang ia kaba kum kane ka jingsngew Jaitbynriew.
Kane ka dei ka jingmaham ba tyngeh ba ka GSU ka dei ban weng mardor bad wat sngewkhlain. Ka jingsngap jar baroh shikatta ka dei ba kim kwah ban wanrah iaka jingsngew iapher Jaitbynriew hynrei Lada ki sdang ki ruh kin hap ban pyni daka kam lada kim Sngewthuh ia kane ka bynta. Kane ka long ka kyrwoh bala phah da u samla Forwardman Nongrem President KSU South West Khasi Hills District.
