Dawa ka KSU ka SWKH District na ka sorkar ban sangeh ka jingthwet ia ki dkhot ka seng

Shillong, Naitung 09: Ka Khasi Students’Union (KSU) South West Khasi Hills District ka dawa na ki bor sorkar ban sangeh noh mardor ia ka jingthwet iaki dkhot ka seng khamtam iaki nongialam bad ki dkhot jongka Umdohlun Circle naki thain Phlangdiloin bad iaki nongialam jongngi napoh ka Photumiap Area Unit, Phlangdiloin unit bad kiwei kiwei ki nongialam na kiwei ki unit jongka KSU South West Khasi Hills District halor ka jingkynnoh ba ki donkti haka kam thang kali bad shoh briew ha Mawthabah bad Wahkaji.

Kumba long mynta, ka jingwan khynra daki bor pulit iaki dkhot ka seng ka la long thik kumba wan khynra lehnoh kaba la pynthud pyndik iaki bahaing ba hasem bad kaba la pyntieng pynsmiej ruh khamtam iaki khunlung khynnah hapoh jong katei ka thain bad kiwei kiwei ki jaka.Kumta, kane la pynlyngngoh shikatdei eh ia ki kum ka seng halor ka rukom treikam jongka Sorkar.

Ka jing wan ksam uranium sopsop ha Mawthabah ka pynpaw shai kdar baka AMD ka la iaid lait naka sorkar bad District Council bad ka pyni ba kam Khein snep satia Ïa kine ki artylli ki bor jong ka jylla, bad dei nakane kadaw ka wanrah iaka jing sah haka umdum kaba ngim lah ban sngewthuh iaka daw tynrai.

Ka seng ka sngew lyngngoh ba kumno pat ki bor Sorkar ki phai khmat bad kynnoh iaki dkhot ka seng halor ki jing jia kiba lah dep. Kane ka pynlong shuh shuh ia ngi ba ngin long artatien halor kane ka kam.Ha ka jing shisha, ka sorkar lah dei ban phahkem bad Pynshitom iaka AMD bad ia u Contractor namar ki la iaid lait ia artylli ki bor hynrei kumba ka paw mynta ka Sorkar ka pynkylla soh pdung ia ki dkhot jong ka seng bad iaki ki riewpaidbah jongka District.

Lada ka long hakane ka dur ngin nym lah ban shuh sngap ne burom sah katba ka jing khynra kan iai bteng kumne bad shah kynnoh kha ma kha iaki dkhot bad katto katne ki paitbah ka thain.

Ka seng ka ieh haka jing stad bad jingsngewthuh ki bor sorkar ban nym pynklang iaka ding hynrei ban tem noh mardor iaka katba ka por kadang shah lem kumta ka AMD bad Contractor ki dei ban shim jingkit khlieh namar dei ma ki Kiba wanrah ia ki kynrum kynram bad ha Kajuh kapor bad ka pynkhein Ïa ka bor sorkar jylla bad ka bor jong ka district council.

Ka KSU kan sa shong Ka jing ialang ryngkat bad ki nongialam ka sengkmie ha kine ki khyndiat sngi namar ngim nym lah ban shu sngap iaka jing shah khynra bad shah pharep ki dkhot ka seng.

Ka seng kam ju kwah ne jied iaka lynti jong ka jing kulmar hynrei haka bym banse ngin hap ban jam iakata ka lynti lada kane jing long jingman ka iai bteng kumne ban iai khynra iaki dkhot bad pyntieng pynsmiej iaki paitbah bad iaki khunlung khynnah .

Khatduh eh Ka KSU south west khasi hills ka sngew ban Ong ba ka AMD bad U Contractor ki dei maki ban shah kynnoh namar ki dei hi maki kiba pynkhein Ïa ka iktiar ka sorkar bad District Council bad dei maki nyngkong kiba dei ban shah pynshitom mardor haki bor ka ain la ong u Bah Forwardman Nongrem, President, KSU South West Khasi Hills District ha ka kyrwoh mynta ka sngi.

What Next?

Recent Articles

Leave a Reply

Submit Comment
*