Shillong, Naiwieng 30: Naka liang ka KSU Lapangap Unit ka la pynpaw iaka jinglyndit bad sngewlyngngoh hakajuh ka por ka pynrem jur ruh ia baroh ki MDC ka Jaintia Hills Autonamous District Council khamtam iaka EC jong ka JHADC halor ka jingkyntait ka jong ka ban shim iaka jingbahkhlieh iaka jingiakhajia khappud hapdeng ka Jylla Meghalaya bad Assam.
Kane ka long katkum ka jingiathuh u EM ka JHADC u ma Finely Bareh uba la jubab iaka jingkylli kaba la buh da u MDC ka thaiñ u ma Dawan Lyngdoh haka Dorbar Tlang kaba dang shudep. Kane Ka jingleh jong Ka JHADC Ka pynpoh ia ki paid nongshong shnong kiba dom sha Khappud ki ba don hapdeng ka jingialeh bad ka Assam. balei ki kyntait, hato ki mut ba Ka Lapangap Khanduli Ka bam Armaloi.
Kynmaw Bha Ka Lapangap bad Khanduli kam Shem Bam armaloi sha Assam. Lada ki kyntait Ka mut ba kito ki Land Holding Certificate(LHC) bad Pata Hali ba bat ki nongshong shnong ka Lapangap bad Khanduli kim don jingkhieñ mo ha JHADC.
Balei kim ong ba ngim tip aiñ Bad ngi dei ruh kiba biej katta Ka daw ba pynlong ia ngi ba ngin kyntait iaki shnong khappud? Haka jingshisha kum ki MDC ba don ka bor ban shna iaki aiñ ban pynskem iaki aiñ iada jaka putta bad ka khyndew Ka shyiap ki dei ban lehraiñ balei Kim nud ban mih madan tang shisien ruh sha kine ki jaka ba don jingkhajia.
Haba U CEM jong ka Karbi Anglong Autonamous Council da lade u la wan jurip marsien wan pyn sangeh ka KSU ia uto u surok ba shna Ka Assam hapoh u pud jong ka shnong Lapangap bad ula shimkhia kloi kloi ban ia kynduh ia u DC ka West Jaintia Hills , hynrei balei ki MDC jong ngi pat ki shu sngap jar? Hato ka jinglong MDC jong ki kan kut tang hakaban shu bam ei iaka tulop bad pyndonkam bakla iaki skim paidbah ka JHADC.
Hato Ka Lapangap kam hap seh hapoh Ka Elaka shilliang Myntang, haka jingshisha ngim dei wat ban khot pynjemdaw iaka Lapangap Khanduli kum ki “Border Area” namar kim shem la wan knieh iaka jaka jong ka Assam , bad dei Ka Assam ba wan kyntur pud sha Meghalaya.
Ka KSU Lapyngap ka pynrem jur ruh ia u CEM ka JHADC u bymdon jingkitklieh eiei iaka jaka lajong. Kane ka jia dei namar ba la synshar da ki biej iakiba stad Ka KSU ka sngewdei ban buh Jingkylli Ia ki Nongmihkhmat ka District Council bad pynrem jur ruh halor ka jingkheiñsting bad bym shim jingkitkhlieh halor u pud u ang ka Jaidbynriew bad ruh Ia ka kolshor Riti jong ki briew jong ngi ba don ha Khappud.
Ha kajuh ka por ka KSU Lapangap Unit lyngba ka khubor ba la pyllait da u Samla Augustan Timung ula pynrem jur iaki runar kiba donkti ban shon ban dat ia u nongshong shnong la shnong Lapangap haduh ba ula mynsaw jur.
Ka Seng ka la ong ba naka liang ka Seng ha ryngkat ki nongialam shnong marsien tip iakata ka jingjia ki la hiar wut wut sha kawei ka shnong Karbi kaba tip kyrteng kum ka Langkeroi naka bynta ban leit iarap ia utei u paradoh parasnam bad ha kajuh ka por ka Seng ka la buh por iaki Nongialam shnong ka Shnong Langkeroi hapoh ar sngi naka bynta ban wad ia kito kiba donkti ban shon ia u paradoh parasnam jong ngi.
” lada kim lah ban pynpoi ia kito kiba don kti hapoh ar sngi, naka liang ka Seng kam banse ban leh ia kaba donkam” la ong u samla Augustan Timung President ka KSU Lapangap Unit.
