Shillong, Rymphang 21: Ka Khasi Students’ Union (KSU)ka dap da ka jingsngew lyngngoh ia ka jing pynshai jong u Bah H S Shylla halor ka soskular (MOU)kaba lah soi hapdeng ka KHADC bad ka UCIL ha ka 12.06.2006. Ka Seng ka sngew ban ong ba u Bah HS Shylla u la thok pyllein pyllein ,da kaba shu tep eitmiaw ia kane ka kam ha khmat u paidbah u paidlang halor ki kam sop sop jong u bad ka UCIL.
Ka Seng ka la ioh ban khmih bniah ruh ia ka soskular, ba u Bah Shylla u lah ai jingbit ban khlong ruh ia u marpoh khyndew (Uranium) ym tang ban shna ia ka surok kum ba lah kam da u bah Shylla ha ki lad pathai khubor .
H aka kyrwoh kaba la phah da ka seng KSU mynta ka meit kala ong “Ko bah Shylla wat thok wat shukor” ia kaei kaba phi lah dep ban ia soi bad ka UCIL bad ban ialam bakla ia u paidbah kiba long pyrshah ia ka jingiatiplem.
Kumta ka Seng ka dawa ruh na ka District Council ba la lam khmat da u Bah Pynshngian N Syiem kum u CEM, ki Excecutive Member bad ki MDC baroh ba kin pynduh pyndam shisyndon ia kane ka soskular ha kane ka iing dorbar thaw ain jong ka KHADC kaba dang iaid mynta, khnang ba kan nym long ka jing tim ia ka Ri bad ka Jaitbynriew bad ia ka pateng ka ban sa wan. Ia kane ka kyrwoh la soi da u Bah Lambokstarwell Marngar president.
U H S shylla u dei u briew uba pyrkhat tang ia ka myntoi ialade….u long u nongdie ia ka jait bynriew…..u long ruh u nong pyn huri hura ha KHADC…..kum une u jait briew ym dei shuh ban dang long MDC lane nong mih khmat….