Shillong, Naitung 10: Ka KSU South West Khasi Hills District ka dawa naka sorkar ba kadei ban thaw sa kawei ka Community and Rural Development Block ha South West Khasi Hills District kata ha Umdohlun.
Naka liang jongka KSU ka dawa naka sorkar ba lada ka don shisha Kata ka jingsngewkhia na bynta ki paitbah katei ka thain ka la dei ban thaw noh iaka Block hapoh jong kane ka thain kaba kynthup naduh Mariem, Warsan Lyngdoh, Phlangdiloin bad kiwei kiwei ki jaka ba hap hapoh jong katei ka thain.
Man Ka por ba ki iakynduh iaka Sorkar , iaki Nongmihkhmat bad wat ia u Mukul Sangma u ju pynpaw hakhmat jong ka seng ba ki kwah ban wanrah iaka roi ka par sha kane ka thain. Naka liang ka seng namar Kata ” Ngi dawa naka sorkar ba lada ka dang Kynmaw iala ka kular bad lada ka kaei kaba ki kren halor ka roi ka par Kim dei tang naka rmiang shyntur ka dei ban pynkha sa kawei ka Community and Rural Development Block ha South West Khasi Hills District kata ha Umdohlun.
Kumba ka long mynta , ka South West Khasi Hills District ka dang don tang ar tylli ki C& RD Block kata ka Mawkyrwat bad Ranikor Block bad ki la iohi kum ka seng ba kam long kaba suk iaki paitbah ba wan na kito ki thain ban wan pyndepkam haduh Mawkyrwat ne Ranikor namar ki hap iaid lyngba ki lynti kiba jngai bad hap iaid ruh da kjat Da ki bun kynta.
Ka Seng ka kyntu ia u MLA jong Ka Mawkyrwat Constituency u bah Rowell Lyngdoh, u MDC ka Mawkyrwat Constituency u bah Hadrian Lyngdoh, u Martin M. Dango MLA Ranikor Constituency bad u bah Manstudy Nongrem MDC ba ki dei ban shimkhia ia kane ka bynta ban pynkha Block ha Umdohlun kaba dei Ka jingdawa jongki paitbah la kham slem.
Naka liang Ka Seng ruh Sa shisien pat kin ioh ban iashong pyrkhat Kam biang Sa shisien ban dawa ia Pyrkhat kaei ka sienjam ba hakhmat ba ki donkam ban leh khnang ban pynthikna ba ki paitbah katei ka thain ba kin nym Shah lehbein haka sorkar Kumba Ka long baroh shikatta. Ka KSU ka kyntu iaki Nongmihkhmat ba kin leh eiei noh mynta halor kane bad lada jia ba kim lah ban leh eiei kim banse naka liang jongka Seng ban pyrkhat noh Da kumwei ong u samla Forwardman Nongrem, President, KSU SWKHD ha ka kyrwoh kaba la phah mynta ka sngi.
