Dawa ka MFU na ka sorkar ban pynbna ia u snem 2020 kum u snem ki nongrep

Shillong, Nailur 19: U President jong ka Hill Farmers Union (HFU), seng kmie u Bah Commander Shangpliang ha ka sngi Balang la pynskhem ia ki nongkit kam jong ki phra tylli ki shnat trei kam jong ka seng kiba hap hapoh jong ka Mawsynram Blok.

Haba kren ha kane ka jingialang u bah Commander Shangpliang u la ong ba ka thong ka seng ka long ym tang ban iakhun ban pynurlong ia ki jingdawa kiba ka seng ka la phah sha ka sorkar, hynrei ban hikai ruh ia ki nongrep ha ka liang kumno ban rep ia ki mar rep kiba thymmai katkum kane ka juk, ban thaw ia kiwei pat ki lad kamai lyngba bad khamtam ban pyrkhat na ka bynta ban pyniaid Iew ia ki mar ba la pynmih da ki nongrep.

U bah Shangpliang u la ong ba ka seng ka sngewkmen b aka sorkar ka la pyntreikam ia ki mat jingdawa jong ka seng kynthup ha kaba wanrah i aka Farmers Commission bad ban ithuh mar rep ia u sohmrit, sla tyrpad bad pyllait khajna ia u synsar.

Haka juh ka por u la ong ba ka seng ban dang iakhun ruh ban pynurlong ia kiwei pat ki jingdawa kynthup i aka jingdawa b aka sorkar kan pynbna ia u snem 2020 kum u snem Nongrep ryngkat ka mang pisa kaba kyrpang ia ki nongrep lem bad kiwei kiwei de ki jingdawa kiba dei n aka bynta ka jingmyntoi jong ki nongrep.

Ki nongkitkam jong ki unit ka HFU kiba la pynskhem ha ka sngi balang  ki kynthup ia ka shnat shnong  Umtyllun ha kaba la jied President ia u Laitphar Kharbhih bad General Secretary ia u bah Leversing Kharbhih. Pyndengsohsaw President  Bah  Borbingstar Kharwar General Secretary, Risingstar Sohmatk, Phlangwanbroi President- Bah Slipshon Dkhar General Secretary kong Phinriskhem pdahkasiej.

Hapoh jong ka Kenbah Malai President, bah Khelor Wahlang, General secretary  Morningstar Iawrod, Mawlangbna President, Bah  Assingroy Disiar General secretary bah Long Kynter, Jyllep President, Bah Tlanding K Dewsaw, General Secretary Bah  Splitly Larting, Mawkaphan President, Giborsing Kynter,  General secretary Pyrkharlang Dewsaw, Mawtepiew President bah Bording  Dkhar, General secretary Starwin Ramsiej.

Ha kane ka juh ka sngi la jied ruh ia ki nongkitkam jong ka Mawsynram Block kynthup ia u bah  Odas  Pdahkasiej kum u President, Vice president Bah  Arsing Roy Dishiar, General Secretary-general Tross Pde, Assistant Secretary bah Morningstar Iawrod bad treasurer ia u bah Meletstar Thongni.Ha kane ka sngi la iadon lang ruh u sirdar jong ka Hima Mawdon.

 

What Next?

Recent Articles

Leave a Reply

Submit Comment

*