Shillong,Nailar 29: Ka Meghalya People Indigenous Forum ka la buh ia ka jingdawa na ka sorkar ba ka dei ban weng noh ia ka para 12- A (a) khnang ba ka paragraph 3 kan dei beit jong ka district council ka ban long ka jingmyntoi ia ki trai ri.Ka MPIF ka kynthup ia ka KHADC,KSU,HYC,FKJGP,Ka synjuk ki Rangbah Shnong,Ki khlieh nongsynshar shnong bad ki paidbah.
U Bah Pynshngain N Syiem u CEM ka KHADC ula ong,hadien ba ka District Council ka la ioh ka draft propose amendment na ka sorkar kmie ha u snem 2012 kaba ka jingshisha kat kum ka draft propose amendment 2012 la kren shai ym kam don act jong ka sorkar jylla kaba lah ban weng noh ia ka paragraph 3 kaba kynthup ia ka khyndew ka shyiap,ka riti dustur bad ki rangbah shnong.
Ula ong, ka KHADC ka la ioh ia ka jingthoh ba la phah da ka sorkar jylla kaba ki kwah para 3 kan ym lah trei kam haba pyntrei kam ia ka 12 -A (a) kaba mut ka ain jong ka District Council kan ym lah ban trei kam lada pyntrei kam ia ka 12 -A (a) kaba long ka jingduh kaba khraw ia ki paidbah.
“Ka sorkar jylla haba phah ia ka jing ai jingmut ha u snem 2013 ka khlem pan jingmut na ki paidbah, ki shnong,ki sengbhalang ne ka District Council hynrei la shu leh beit tang ka jingsngewbit da ka sorkar jylla”,la ong u Bah Pynshngain
“Ngi la shim ia ka rai ban pyntip sha ka sorkar jylla ban pynkynmaw ia ka jingai jingmut halor ka draft propose amenment 2013-15 ba kam pat dei ban phah ia ka jingai jingmut sha ka home ministry khlem ai jingmut lang da u paidbah”,la bynrap u Bah Pynshngain.
