Dawa ka NPP na u Dr Mukul ban weng noh ia ka hukum pynlong trei ha ka 28bad 29 tarik Nohprah

Shillong, Nohprah 07: U Nongai ktien jong ka seng NPP u James K Sangma u la ong ba ka seng NPP ka dawa na u myntri rangbah ka sorkar jylla u Dr Mukul Sangma ba u dei ban weng noh ia ka hukum ban pynlong trei ha ka 28 bad 29 tarik mynta u bnai Nohprah.

Katkum ka hukum jong ka sorkar kaba la pynmih ka long ba la bethah ia baroh ki nongtrei sorkar ha ka 28 bad 29 tarik kin wan trei ha kitei ki sngi ong ka NPP ha ka khubor kaba la phah mynta ka sngi.

Na ka liang jong ka NPP ka long ba ka jinglehkmen Khrismas bad snem thymmai ka dei ka por ba baroh ki paidbah jong ka jylla Meghalaya ki leh burom ia ka sngi kha jong u trai Jisu Khrist.

Na ka liang jong ka seng NPP ka kynnoh ba kane ka jingleh jong ka sorkar hapoh ka jingialam jong u Dr Mukul Sangma ka krem bun kiei kiei ha kaba ia ki briew la bethah ba kin wan trei ha kitei ki sngi, kum ba ka paw la pynlong ia ki briew ba kin trei ha kine ki sngi ban bun kam ka buh mawnongrim.

 

Ka seng NPP ka dawa na u Dr Mukul Sangma ba u dei ban weng noh mardor ia kane ka jingbethah ia ki nongtrei sorkar ba kin wan trei ha ka 28 bad 29 tarik mynta u bnai namar ka dei ka por leh kmen.

What Next?

Recent Articles

Leave a Reply

Submit Comment
*