Shillong, Jylliew 02: U Bah Welbirth Rani president jong ka seng Federation of Khasi and Jaintia and Garo People (FKJGP) u la dawa na ka sorkar ba dei ban kem mardor ia ki briew kiba rah wait ha Them Motor namar ba kila pynkhien ia ka ain.
la ong ka jingrah wait jong ki bynriew ha Them Motor ka la pyningkhong bad pynbitar ia u paidbah bad ka la long thik kumba aiding ia ka jingiakynad,” ong u president ka FKJGP haba kren ha u nongthoh khubor mynta ka sngi.
U la ong, “Ka them motor ruh ka dei ka jaka ba la pynjari curfew bad ba la ai ia ka section 144, ka jingrah tiar pynmynsaw jong ki ka pyni ba ki la pynkhein ia ka ain, kaba bym sngewlah ban ngeit kumno ki pulit ki khlem kem ia ki, ki la pynkhein ia ka ain.”
Kumta kum ka seng ngi dawa jur na ka bor sorkar, ki bor District, ki bor pulit ba ki dei ban kem mardor ia kito ki briew kiba rah tiar, namarba ki la pynkhein ia ka ain. La ong shuh shuh u bah Welbirth nalor ba ki la ioh ia ka jingiada na ki tnat pulit, kumno ki dang lah ban rah tiar, kata ruh ha khmat ki pulit, kim dei shuh ma ki ban dang rah tiar, namar ki don hapoh ka protection ne jingiada jong ka ain.”
U la pynpaw ba kane ka jingleh sting jong ki pulit ban ym kem ia ki ka la long pynban kumba ki aiding pynbitar ia ki paidbah. Ka seng ka dawa ba ki dei ban kem, namarba ka seng kan ym ailad ba kum kine ki jia. Ha ka juh ka por ka seng ka kyntu ia ki pulit ba kin nym rung sha iing briew, namar kane ka pynsyier pynsmiej bad pynsheptieng ia ki briew kiba shong hapoh iing.