Shillong, Naiwieng 22: U president ka party UDP u bah Metbah Lyngdoh ba dei ruh u Lamphang ka iing dorbar thawain ka jylla u la ong ba ki hap ban pynsangeh shuwa ia ka jingpynbna ia ki kyrtong jong ki kyrtong ban ia khun ia ka elelshon MLA 2023.
Haba kren ha ka jingialang jong ka party hapoh ophis jong ka seng u bah Metbah u la ong ba ha ka jignshisha mynta ka sngi la dei ban pynbna ia ki kyrteng jong ki kyrtong kaba kila juh ia kren hynrei kin dang buh teng shuwa bad kin sa pynbna ha kawei ka por ba kin sa pyntip.
U President ka UDP u la ong ba ka daw jong kane ka jingpynsangeh ban pynbna ia ki kyrteng jong ki kyrtong ka dei na ka daw jong ka jingjia hapoh ka shnong Mukroh ha kaba ki pulit Assam kila siat bad ki mynsiem kiba lui lui ki khlad na kane ka jingjia.
Kane ka jingjia kala jia hapoh ka shnong Mukroh kaba hap hapoh ka Konstiwensi jong u bah Nujorki Syngoh MLA jong ka party, bad kum ka dak jong ka jingsngewsih ha kane ka jingjia ka party kala pynsangeh noh ia kane ka jingpynbna bad u mytnri kam poh iing ka jylla u la leit sha katei ka jaka.
U bah Metbay ha ka kyrteng jong ka Party UDP u pynrem jur ia kane ka jingleh ki pulit Assam kiba la siat pathar ia ki briew jong jong katei ka jaka bad ka party kala dawa na u mytnri rangbah ka jylla ban phah tohkit ha ka NIA iakane ka jingshah siat iap ki riew paidbah.
Ha kane ka jingialang na ka liang jong ka party UDP kala pynlong ruh ia ka jingsngap jar kaba arminit ban pynpaw ia ka jingsngewsih halor ka jingkhlad noh ki riew paidbah ha ka jingsiat ki pulit Assam.
