Dawa ka UHM na ka sorkar ban ai register ei ia ki jaka ha khappud bad ka jylla Assam

Shillong, Iaiong 08: Mynta ka sngi ka seng Uninted Hynniewtrep Movement (UHM) kala pynlong ia ka jingiakhih shong kyllain mungor ha State Central Library ban dawa na ka sorkar ba dei ban register ei ia ki trai khyndew kiba don jaka ha khappud bad ka Assam.

U President jong ka UHM u bah Charlie Rani haba kren ha ki lat ptahai khubor la ong ba ka jingbym treh ia ki trai jaka ban resgiter bad ka sorkar ia ki jaka kiba don ha khappud bad ka jylla Assam ka dei namar ba bun na ki ophis kim juh don ha ki ophis trei kam bad ka dor ruh kala rem palat.

Katba na ka jylla Assam ia ki briew kiba shong ha khappud bad ka jylla Meghalaya la kynnoh ba ka pynregister ei ia ki jaka, lada ka sorkar Assam ka lah ban leh kumtei kaei ka jingeh ia ka jylla Meghalaya ruh, la kynnoh ba ka sorkar Meghalaya kam shym la shim ia ka jingkit khlieh ia ki jingeh ki paidbah ha khappud bad ka Assam.

U bah Rani u la ong ba kum ka seng ka buh por ia ka sorkar ba ka dei ban pyntrei kam ia kane shuwa ba ka jylla kan rakhe ia ka jingdap 50 snem, lada ka sorkar kam leh ei ei ia kane ka seng kan pyrshah ia kane ka jingrakhe 50 snem jong ka jingioh jylla.

U Bah Bashai Marbaniang Joint secretary jong ka seng kmie u la ong ba ka jingdawa jong ka seng ba ka sorkar ka dei ban register ei ia ki jaka ka long ban buh ia ka sorkar ha ka jingsuk ha kaba ia dei bad ka jingiapynbeit bud bad ka jylla Assam bad lada poi sha iing bishar ruh lah ban pynieng ia ka nongrim.

Kum ka seng ka pynpaw ruh ba kan bha lada ka don ka jingiapynbeit bud ai lad ia ki paidbah kiba don ha khappud ba kin shim ia ka rai kiwah ban don ha kane ka jylla, la ki kwah ha Meghalaya ne ha Assam, kane ka long ba ka sorkar ka dei ban pynbeit noh ia u pud u sam bad ka jylla Assa.

Ha kane ka sngi ki dkhot jong ka seng UHM kila ia poi na kylleng jong ka Ri Khasi Jaintia ban ia shim bynta ha kane ka jingiakhih shong kyllain mungor ban dawa na ka sorkar ban pynskhem ia u pud u sam dei ban ai register ei ia kiba shong ha khappud bad ka Assam.

 

What Next?

Recent Articles

Leave a Reply

Submit Comment

*