Shillong, Risaw 25: Ha ka jingiakynduh bad u General Secretary jong ka All India Congress Committee (AICC) u Dr CP Joshi ba dei peit ia ka jylla Meghalaya, na ka liang jong ki MLA jong ka seng Congress kila dawa ba dei ban thung ia u nongai ktien jong ka party ha kane ka jylla Meghalaya.
Ka jingwan jong u Dr Joshi ha kane ka jylla Meghalaya kum ka jingpynkhreh ia ka election ka ban long ha u snem 2018 kaba sah mynta sa tang khyndait bnai, u la ia kynduh nongkong ia ki MLA mynta ka sngi bad bud sa ka jingiakynduh ia ki nongtrei jong ka party na ki District bapher bapher jong ka jylla.
Wei na ki MLA jong ka seng Congress la iathuh ba ha kane ka jingiakynduh mynta na ka sngi na ka lian jong ka AICC kala bethah ia baroh ki MLA ba kin trei shitom hala ki jong ki jong ki constituency ka jong ki khang ba ka ka party kan poi sha ka thong ban ioh ban wan biang ha ka bor.
Ha kane ka jingialang na ka liang jong ki MLA kila kyntu ia u Dr Joshi ban thung ia u nongai ktien na ka bynta ka pary hapoh kane ka jylla Meghalaya ban long u nongai ktien ha pdeng ki lad pathai khubor bad ka party ha ba ka don kano kano ka phang kaba hap ban kren.
