Shillong, Jymmang 02: Ka kynhun jong ki nonghikai MSSASA na Garo Hills hapoh ka jingialam jong u Mathias D Shira ha ka jingiadon lang u Bah HM Marbaniang General Secretary ka seng kila leit ban ia kynduh ia Dr. Piyush Prasad, Asst. Director jong ka NIOS Regional Office Guwahati.
Ha kane ka jingiakynduh na ka liang jong ka seng kala ia kren ban pynbeit ha kaba ia dei bad ki jaka thoh eksam ba ia dei bad ka D.El.Ed ka ban long mynta u bnai na ka bynta kito kiba hap ban ialeh biang ia ka eksamin jong ki ka ban sdang ha ka 7 tarik mynta u bnai.
Ha kane ka jingiakynduh bad u Dr Piyush na ka liang jong ki nonghikai MSSASA na Garo Hills kila pynpaw ba kila ioh jingtip ba ka NIOS kala pynlhreh ban pynlong ia kane ka eksamin tang ha Shillong, na ka liang jong ka seng ka pyrshah ia kane ka jingthmu jong ka NIOS bad ka daw ba dei ban buh ia ka jaka toh eksamin ha Garo Hills ruh kum juh, lada don tang ha Shillong ka buh ia ki nonghikai ha ka jingeh kaba khraw.
Haba ia dei bad kane ka seng kala ia kren ia u MP Saha Sectional Ophisar jong ka NIOS kaba don ha Shillong ha kaba kila ia kren ba dei ban ia kren bad ki bor kiba halor ba dei ban pynbeit ia ka jaka thoh exsamin wat ha Garo Hills ruh kum juh, halor kane na ka liang jong u Dr Piyush u la kular ban pynlong ia kane ka examin ha Garo Hills bad yn pynlong ha Damas Secret Heart Secondary School, North Garo Hills.
Haba ia dei bad ka jingpynbeit ia ki jingbakla na ka liang jong u Dr Piyush u la kukar ban leh noh kloi lah bad ha ka juh ka por la bethah ia ki nonghikai ba kin da peit bniah ha poh kin ear lai sngi lada don ka jingduna hangne hangtai.
