Dawa phah tohkit na u myntri kam poh iing u Rajnath ba iap u shipai Assam Riffle ha Nagaland

New Delhi, Lber  18: Mynta ka sngi ka All India Chakma Social Forum (AICSU), ka seng kaba dei peit ia ka bha ka miat jong ka jaidbynriew Chama ha kane ka Ri India kila dawa na u myntri kam poh iing jong ka Ri u  Rajnath Singh ban phah tohkit halor ka jingiap jong u Kamal Mitra Chakma, u shipai hapoh jong ka Assam Rifle Sipoy No. 5009235 u ba trei hapoh jong ka 36th Assam Rifles B. Company  ha Jalaki, Nagaland.

Na ka liang jong ka tei ka seng kala kynnoh ba u Kamal Mitra Chakma u la shah shoh haduh ban da jem jai  hapoh jaka sah jong u ha  Jalaki  ha Nagaland, ha ka por ba u dang leit ban buh ia ka shithi ban pan shuti ban leit shong sha Mizoram ha ka 10 tarik mynta u bnai bad ha dien ba la shah shoh la bret ia ka met jong u sha bar jong ka jaka sah jong ki shipai bad ia u la iohi da ki paidbah kiba iaid lynti.

Ha dien ba la iohi da ki paidbah la pynkit ia u sha  Jorhat military hospital ha Assam ha kaba u la khlad mynta ka sngi hapoh jong katei ka hospital, ka seng ka ong ba naduh ba la leit ban buh ia u ha katei ka jaka ai jingsumar kala don ka jingsuba ha kaba ia dei bad kane ka jingjia.

La kynnoh ba u la hap na jrong tnum iing hynrei kam shym don kano kano ka jingmynsaw na ki bynta jong ka khlieh hynrei ki shyieng jong u kila kdiah, haba ki kmie ki kpa kila kylli hato u hap ne kumno u la kyrngah ka khlieh ban ong, em em haba la kylli hato u la shah shoh ha ki para shipai u la konguh ka khleih ban ong Hooid, hoid, la ong u Victor Talukdar Deputy Secretary General jong ka All India Chakma Social Forum ha ka jingpynlait khubor mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet