Shillong, Lber 14: Ka HYC Education cell ka dawa na ka tnad education jong ka Sorkar jylla ba dei ban pynduh p
yndam Noh shi syndon ia ka kot pule Jong ka Sociology class 12 Jong ka Indian School certificate hapoh ka jylla Meghalaya ba la thoh da uwei u nongthoh kot U Manjir Gosh ba la pynmih da ka kalyani company.
Katei ka kot kala pynsngewthuh bad ialam bakla ia ki khynnah pule jong Kane ka jylla kiba hap hapoh ka jingkhmih Jong ka ISC. Namar katkum Kane ka kot pule ha kawei na ki lynnong la thoh ba hapdeng ka jaitbynriew khasi ka juh don ka jingia shongkha shongman hapdeng Shi iing shi sem.
Nangta la thoh ruh ba ka kynthei khasi ka lah ruh ban iashong kurim ia palat ar ngut ki shynrang .Shuh shuh ha Kane ka kot la Shem ruh ba la batai ba ki khasi ki dei kiba Shong basah hapoh jylla Assam.
Ha kaba Kum ka Seng kan nym lah ban pdiang da leilei ia Kum kine ki kot pule kiba thmu ban ialam bad pynsngewthuh bakla ia ki khynnah pule.Kum ka Seng ka sngew ruh ba Kum kine ki jingthoh ba pynmih ha Kane ka kot pule ka long ruh Kum ka jingkheiñ dewthala bad ka jingbym burom iaka Jaitbynriew Jong ngi hi baroh kawei namar ka la ktah mationg ruh iaka jingsngew jong kiba bun balang.
Ka HYC ka ong ba u nongthoh u la shuh thoh Hala ka jingsngewthuh khlem da tih bniah lane pynshisha ha shwa ban pynmih ia Kane ka kot pule kaba lehse Kan ktah pat khamtam eh iaki khynnah pule ha ki jingnang jingtip ka Jong ki.
ka Seng ka kyntu ruh ki skul kiba don hapoh ka jylla ba Kim dei ban shu pdiang lynmmuh iaki kot pule. khlem da pule bad peit bniah bha ha Shwa ban buh ha ka syllabus jong ki khynnah pule. Kane ka long katkum ka kyrwoh kaba la phah da u bah Enlang Sawian Assistance Education secretary HYC CEC.
