Dawa u Bah Titosstarwell ban ai da ka kyrteng u Bah BB Lyngdoh ia ka PHC ha Laitlyngkot

Shillong, Lber 15: u Bah Titosstarwell Chyne MLA jong ka Sohra haba wanrah ia ka cut motion ia ka jingpan pisa shuh jong ka tnad ka koit ka khiah na ka jingmang pisa jong ka sorkar jylla, ha ka jingkren ka jong u u la dawa ba ka sorkar ka dei ban buh noh ia ka hospital ba shispah jingthiah hapoh Sohra.

Haba ia dei bad ka PHC kaba don ha Laitlyngkot kaba ai jingshakri ia ki paidbah katei ka thain na ka liang jong u Bah Chyne u la ong ba ka sorkar ka dei ban kylla kyrteng noh ia kane ka jaka ai jingsumar jong ka sorkar da kaba ai da ka kyrteng jong u myntri rangbah ba rim ka jylla u ba bam kwai ha dar u blei u Bah Brington Buhai Lyngdoh.

Na ka liang jong u Bah Chyne u la ai ka jingiaroh ia ka Engineering wing jong ka tnad ka koit ka khiah kaba la lah ban tei ia shibun ki jaka ai jingsumar jong ka sorkar ha ki bynta bapher bapher jong ka jylla, ki don ki jaka kiba la ai ka jingshakri kaba biang ia ki paidbah bad ki don pat ia kiba ym pat lah ban plie.

U la kdew ba kum ka CHC Mawphlang ia kaba la dep tei mynta la bun bun snem hynrei ym pat la ban plie ia ka bad ki don PHC ia kaba la plie hynrei ki paidbah kim treh ban leit sha kine ki jaka ai jingsumar jong ka sorkar. Na ka liang jong u tei u MLA u la ong ba kala don kam ia ka sorkar ba kan dang pynkhlain shuh shuh ia ka jingai jingsumar ia ki paidbah.

Naka liang jong ka myntri ba dei peit ia ka koit ka khiah, haba jubab ia kane ka cut motion, ka la ong ba ka sorkar mynta ka don 12 tyli ki hospital, 28 tylli ki CHC bad 110 tylli ki PHC, kala iathuh ba la ioh sanction na ka sorkar pdeng ban shna ia ka jaka ai jingsumar kaba 50 jingthiah ar tylli kawei ha Umsning ha Ri Bhoi District bad kawei ha Mahendrganj. Ia ka jingdawa jong u tei u MLA na ka liang jong ka myntri kala ong ba ka sorkar kan sa bishar bniah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet