Shillong, Jymmang 28: U bah Himalaya Shangpliang MLA jong ka 25-Mawsynram Konstitwensi u la pynlait paidbah ia ka jingkren jong u ba u la dawa na ka sorkar pdeng ba dei ban pynkiew ia ka Mahatma Gandhi National Rural Employment Guarantee Scheme (MGNREGS) na ka 100 sngi sha ka 200 sngi.
Ha kane ka jingdawa kaba ia dei bad ka MGNREGS kaba la tip kum ka bylla sngi ka sorkar pdeng ka dei ban pynkiew ia ki sngi bylla na ka 100 sngi sha ka 200 sngi khnang ba ki briew kin ioh bylla.
U MLA jong ka Mawsynram u la ong ba u dawa na ka sorkar pdeng ba ka dei ban ai mar T.10,000/- tyngka sha ki long iing kiba duk bad ki nongkhaii ba rit. Ka sorkar pdeng kala dei ban pynbiang kali ia ka leit ka wan jong ki nong bylla sngi.
