Shillong, Lber 14: U Bah Ronnie V Lyngdoh myntri ba dei peit ia ka tand Art bad Culture jong ka sorkar jylla haba jubab ia ka jingkylli jong u Bah Witting Mawsor la ka jingialeh ban pynrung ia ktien khasi ha Eight Schedule kala poi ha kano ka kynta, na ka liang jong u myntri u la ong ba ka sorkar kala dep ban thaw ia ka sub co-mmittee bad kane ka committee kala ai ia ka kaiphot sha ka tnad sorkar bad sha ka Political Department.
U myntri u la ong ban a ka liang jong ka sorkar kala shim khia ia kane ka kam ban ia kren bad ka sorkar pdeng ban pynrung ia kane ka ktien Khasi sha Eight Schedule bad kane ka kam ka dang iaid, na ka liang jong ka sorkar kala shim khia bha ia kane ka kam.
Na ka liang jong u Saleng A Sangma u la kwah ban tip hato kala don ne em ka jingdawa ban pynrung ia ka ktien Garo bad Jiantia ha ka eight schedule na ka liang jong u mynta u a long ba ia mynta ka sub-committee ka la thaw mynta ka dang long tang ia ka ktien khasi, na ka liang u saleng u la ong ba u Dawa ba ia ka ktien Garo bad Jaintia ruh dei ban ialeh ban pynrung ha ka eight schedule.
U Dr Jemino Mawthoh u la ong ba ka jingdawa ban pynrung ia ka ktien khasi ha ka eight schedule ka la long naduh ki snem 1974 bad kane ka dang sah ha ki jingdawa katba kiwei ki ktien kum ka Nepali, Kani , Sunthali bad Bodo kila dep rung ha ka eight schedule.
Haba bynrap ia ka jingjubab jong u myntri ba dei peit ia ka tnad Art bad Culture u Dr mukul Sangma myntri rangbah kajyllau la ong ba kala don ka jingdawa ban pynrung ruh ia ka ktien Garo ha ka Eight Schedule.
Na ka liang jong u Bah Witting Mawsor u la kwah bantip ba balei up lah ban thaw ia ka Meghalaya Sahitya Academy bad katkum ka Meghalaya Official language Act 1981, hato ki MLA ki lah ne em ban kren khasi hapoh ka iing dobar. Na ka liang jong u myntri u la jubab da kaba ong ba ia kane tang u speaker u ba lah ban jubab. Na ka liang jong u speaker u la ong ba ki don ki rule ia kaba ki hap ban bud.
