Shillong, Jymmang 26: U Conrad K Sangma, u la ong ba ka sorkar kala dei ban shim ia ka nuksa na ka Bodo Land, Nagaland ba ia ki lehnoh ba la wan ban pyndem wait dei ban pynshlur ia ki ba kin rung ha ki kam pulit kum shi bynta na kawei ki lad jingiarap ia kine ki samla kiba la shah ialam bakla bad mynta kila wan phai biang ban im ha ka lynti kaba beit.
Haba ia dei bad ka jingpynslam jong ka sorkar ia ki lad jingiarap ia ki lehnoh ANVC kiba la wan ban ia kren ia suk mynta bad ka sorkar la ar snem mynta, ka sorkar ka dei ban shim khia ia kane ka kam namar ka don ka jingma ba iohi ki liet phai biang sha ki kam barim jong ki bad kane kan dang pynsniew shuh shuh.
Haba ia dei bad ka jingwan pyndem jong ki lehnoh ha khmat jong ka sorkar u la ong ba ia kane ka kam yn nym lah ban kam da mano mano kane ka burom ka leit sha baroh ki briew kiba la ia don bynta ban wan rah biang ia ki sha ka lynti kaba biet, kum ki seng niam kiba la trei shitom bad ki long kmie long kpa.
Ka jingeh kaba khraw kaba ka Ri bad ka jylla ka don mynta ka dei ka jingkyrduh kam, dei na kane ka daw ba dei ban wad ia ki lad ki lynti kumno ban wanrah ia ki lad ai kam ai jam ne ki lad seng kam seng jam, ka jylla ka don shibun ka lad ka lynti hynrei ka don kam ia ka jingmait phang bad kdew lynti, ha kaba kum u MP u don ka jingioh lada ym lah ban leh ei ei mynta ka jingma ka ap ha ki snem kiban sa wan.
