Dei ban hikai ia ki samla bala nang lastad ban ban shim ia ka kam rep kum kalad trei kam

AgricultureShillong, Jylliew 12: Ka tnad ka rep ka riang jong ka sorkar jylla kala pynlong ia ka jingai jinghikai  ia ki samla kiba la nang la stad ban shim ia ka kam rep kum ka lad trei kam trei jam, ia kane ka jinghikai ka pynlong ha Integrated Agriculture Training Centre (IATC), ha Upper Shillong.

Ha ka jingkren jong u K N Kumar Additional Chief Secretary jong ka sorkar jylla ba dei peit ia ka kam rep, u la ong ba ka long kaei kaei kaba kongsan ban don ia kum kane ka jinghikai ban ioh ia ka jingtip kaba bniah bad kan long ruh ka jingmyntoi ia ka tnad ka rep ka riang ban tip ha kaba ia dei bad ka jingpyntrei kam ia ki skhim.

Ka rep ka riang ha kane ka jylla Meghalaya ka dang dei kawei na ki lad kamai ha ka ioh ka kot jong ka jylla, na ka liang jong u Kumar u la ban jur ia ka tnad rep ban ai ki jinghikai ia ki samla kiba la nang la stad ban tip shaphang ka rep ka riang bad kiwei ki kam kiba ia dei bad ka rep kum ka ri jingri.

Ka rep ka riang ka dei kaba kongsan ha kaba kyntiew ia ka ioh ka kot sha ki nongkyndong u la ong ba don kam ban ia treilang ha pdeng ka Meghalaya State Rural Livelihoods Society (MSRLS), bad ka Meghalaya Institute of Entrepreneurship (MIE) bad ka tnad ka rep ka riang ban pynthikna ba ka jingmih na ka rep dei ban ioh ia ka dor kaba biang ha ba die ia ki mar rep.

La ong ba ka jylla Meghalaya ka dei ka jylla kaba don bin jait ki jaid soh bad lah ban pyniaid iew ia kid a kaba pyndon kam ki buid stad jong kane ka juk kaba mynta. U la kyntu ia ki samla kiba la wan ban pass kyrpang ha ka rep ka riang ba kin sdang ban seng ia ki kam jong ki ha kaba ia dei bad ka rep da kaba shim kabu ia ki skhim kiba ka sorkar ka don ban tyrwa.

Kiba la ia don ha kane ka jinghikai ki long ka M. N. Nampui, Secretary, Agriculture, u Bah R. Langstieh, Director of Agriculture (R&T), Bah B. K. Sohliya, Director, MIE bad ka kong  S. Mihsill, Director, MAMETI. Ha kane ka jingai jinghikai u KN Kumar u la long u kongsan.

 

 

 

What Next?

Recent Articles

Leave a Reply

Submit Comment

*