Shillong, Rymphang 04: Ki dkhot jong ka CCIB mynta ka sngi kila leit ban ia kynduh ia u Bah HS Shylla CEM jong ka KHADC ban ia kren halor ka jingsdang jong ka kompeni NBCC ban ker ksianar shiah ha khappud bad ka Bangladesh ha ki bynta jong ka Lyngkhat bad Dawki.
Haba kren ha ki nongthoh khubor ha dien ka jingiakren na ka liang jong u CEM jong ka KHADC, u la ong ba ka KHADC kan nym ai NOC katba kam pat don ka jingiapynbeit kaba thikna ia kane ka jingker ksainar shiah ha khappud bad ka Bangladesh ha katei ka thain.
Ha ka juh ka por la ong ban thoh sha ka sorkar jylla ba kan bethah ia ka Deputy Commissioner jong ka East Khasi Hills District ban dawa ba ka dei ban phah pynsngeh shuwa ia kane ka jingtrei katba ym pat lah ban ia pynbeit.
Ha kane ka jingiakynduh ia u CEM jong ka KHADC na ka liang jong ka CCIB la lam khmat da u Bah Kmen Myrshiang u ba dei u Secretary jong kane ka kynhun kaba la khun tyngeh mynta la bun bun snem ban pyrshah ia kane ka jingker ksianar shiah katba ym pat lah ban pynbeit ia u pud u sam.