Dei bym khien snep ka sorkar ban pynkylla ia ka kyrteng ‘Cherrapunjee’ sha ka ‘Sohra’:HNLC

Shillong, Naiwieng 21: Ka jingbym kheinsnep ka Sorkar ban pynkylla iaka kyrteng ‘Cherrapunjee’ sha ka ‘Sohra’ ka long kumba ka ialeh ban ai mynsiem ym tang ia ki nong Sohra hynrei ia baroh ki nong shong shnong haka bri u Hynniewtrep ba kin ri bad ieid ia kata ka tynrai. Ym dei eh tang ka Sohra kaba mad iaka kyrteng nongwei hynrei shibun bah ki jaka kiba la shah kylliang kyrteng daka ktien nongwei kiba hap hapoh u pud u sam ka bri u Hynniewtrep, khamtam ka jaka ki trai ri trai muluk kaba shong daki riewlum ba lah jer daka kyrteng Meghalaya kaba long ka ktien Sankrit.

Ka jaidbynriew u Hynniewtrep ka dang don haduh mynta mynne iaki khana pateng kiba skhem halor ka jingseng iaki Hima bad iaka jingdon ki Syiem ki doloi,hynrei kaba sngewphylla ka long ba ka Ri India hi da lade kam shym don iaka tynrai bad ka histori ba tikna halor ka kyrteng jong ka Ri jong ka kaba bunsien ki kwah eh ban khot daka Bharat Ne Hindustan.

Ki nong Sohra bad ki trai shnong haka bri u Hynniewtrep kim kwah ban long sa kiwei pat ki Hindu ha ri India ki bym pdiang shuh iala ka jong ka kyrteng Tynrai. Ka ktien ‘Hindu’ kam dei ka kyntien Sanskrit ne ka kyrteng kaba dei naka tynrai jong ki bad yn nym lap ia kane ka kyrteng ba kin pyndonkam wat haka Mahabharat ne Ramayana.

Haka por ba u Syiem Persia u Darius u wan ban hiarthma nyngkong ia kane ka jaka kaba lah tip kum ka India mynta, u lah poi haka wah Sindhu, tang namar ba ki nong Persia ha kato ka por kim lait ban kynnoh Sindhu,haka jaka u ‘S’ ki pyndonkam da u ‘H’ te naduh kata ka por la tip iaki briew ba shong harud ka wah Sindhu daki Hindu,hadien pat u poi hiarthma sa u Alexander,tang namar ba ki Greek kim nang ban kynnoh Sindhu ki Wengnoh ia u ‘S’ bad ong ‘Indu’ bad lah tip iaka wah Sindhu daka wah Indus, bad mynta kane ka wah ka lah don sha Pakistan.

Ka jingkwah ban pynneh iala ka tynrai kan nym don jingktah iaka map ka ri india ne iaka Map ka Pyrthei,Ha Ri India bun ki Jylla kiba lah pynkylla iala ki Kyrteng kumba jia iaki jaka ha Assam kum ka Nowgong sha ka Nagaon,Gauhati sha ka Guwahati,Sibsagar sha ka Sivasagar,kumjuh ha Kerela,Gujarat,Himachal Pradesh, Karnataka,Haryana bad kiwei,kumjuh kiwei ki Ri ki ju kylliang iala ka kyrteng kumba long ka Babylon myndai lah tip mynta daka Iraq, iaka Iran Mynnor lah tip daka Persia, iaka Cylon lah tip daka Sri Lanka,iaka Burma la tip pat kum ka Myanmar mynta.

Kumba long ha China iaka Peking ki ong ka Beijing,Ha Singapore iaka Peck San ki ong ka Bisan, Kum Ha Bangladesh iaka Dacca ki ong mynta ka Dhaka. Kum shi bynta ban pynneh iaka ktien tynrai jong ki jaka, ka HNLC ka kyntu iaki Sengbhalang khamtam iaki Samla ka jaidbynriew ba lada ka Sorkar kam lah ban pyndonkam iaka bor  u khulom bad ka sia,ka lah dei ka por iaki iaphi ban pyndonkam daka bor u brut bad ki rong. ong u Bah  Saińkupar Nongtraw Publicity Secretary,HNLC ha ka jingpynlait khubor mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet