Shillong, Nailur 22: U myntri rangbah ka jylla Meghalaya Mynta ka sngi u la leit ban ia shim bynta ha ka jinglehniam Behdienkhlam jong ka Raid Tuber ha Turber, ha kaba da ki phew hajar ki paidbah kila ia don lang ban sakhi ia kane ka jingleh niam.
Haba kren ha kane ka jinglehniam Behdeinkhlam u mytnri rangbah u la ong ba dei ha kum kine ki khep ba ia ka jinglong tynrai la pynipyrthei bad ka Behdienkhlam ka dei kawei na kita la ong u myntri rangbah ka jylla.
U myntri rangbah u la ong ba kane ka sorkar ka trei na ka bynta ki trai jylla bad ka sorkar ka juh ai jingkyrshan ia kum kine ki jingleh burom ban pynpaw iala ka jong ka tynrai sha ka pyrthei. Ka sorkar kan dang iai beteng ban kyrshan wat ha ki por ban dang wan.
Ka sorkar ka ieng ban iada ia ki briew la jong, la ka long ha ka rukom bat khyndew bat shyiap, ka riti dustur bad kum juh ia kiei kiei kiba dei bad ki trai jylla. U myntri rangbah u la ai khublei ia ki paibah ha kane ka sngi Behdienkhlam.
