Dei ka jingbym burom ki bank ia ka shad nongkrem, leit khang ka seng HYC

Shillong, Naiwieng 07: Ka HYC Shillong City mynta ka sngi ka la leit ban khang khyrdep ia bun tylli ki office bad ki Bank kiba don hapoh ka Nongbah Shillong kiba don naduh motphran haduh ka thain Keating road bad kumjuh ruh ha kiwei kiwei ki jaka kynthup ha ka Thain Nongthymmai ia kaba la leit ban khang khyrdep da ki dkhot jong ka HYC Nongthymmai Circle.

Ka jingleit khang jong ki dkhot ka seng ia kine ki jaka treikam ka dei halor ka nongrim ba kim shem la burom bad niew kyntang ia kane ka Sngi kaba dei ka sngi shuti ia ka jingrakhe ia ka Pomblang Syiem kaba long ka sngi kaba kyrpang ia ka jaitbynriew hi baroh kawei.

Ka seng lyngba kane ka kyrwoh ka maham jur ia baroh ki office sorkar bad ki Bank ba ki dei ban burom ia baroh ki sngi kyrpang jong ka Jaitbynriew bad kam dei ka bynta ba kin khang tad haduh ba da wan ban tuklar da ki dkhot jong seng.

Na ka liang jong ka HYC kala ong ba lada ki dang ia bteng ban plie ia ki jaka treikam jong ki ha ki sngi shuti jong ka Jaitbynriew ka seng kan leh da kaba tyngeh. La ong u Bah Enlang Sawian general secretary jong ka HYC Shilong City.

 

 

What Next?

Recent Articles

Leave a Reply

Submit Comment

*