Dei ka jingduwai ki paidbah la ioh ban wan rah kloi ia met u Archbishop Rev Dominic: Vincent

Shillong, Risaw 23: Ki nongkren ha kane ka jingleh burom ba khatduh ia u Archbishop Rev Dominic Jala  mynta ka sngi ha iing mane bah ki long khatkhyndait ngut bad kine ki nongkren ki dei na ki kynhun niam bapher bapher bad kumjuh na ki nongialam seng sain pyrthei.

Ha ka jingkren jong u Bah Vincent H Pala u MP jong ka Shillong, u la ong ba kane ka jingjia ka long kaei kaei kaba la pynsngewsih ia baroh bad khamtam eh kala jia ha Ri Nongwei kaba la buh ia ka jingeh.

Na ka liang jong u Bah Pala u la iathuh ba kumno ka jingduwai jong ki paidbah kala pyniaid beit bad pynkloi ban wanrah ia ka met jong u Archbishop sha Shillong, la iathuh ba ha dien ba la betah ia u na iing bishop ba kan bha ba un leit sha San Francisco u la ioh ka por tang ar kynta ban ioh ia ka Visa.

Haba la poi sha America, ki pulit kila ong ba katkum ka ain jong ki la kumno kumno kan shimpor ar taiew ban ioh ban rah ia ka met ia kito ki dei na kiwei ki ri jong ka pyrthei, hynrei da ka jingduwai ki paidbah ki kam baroh ki la iaid beit, kham tam eh da ka jingiarap jong u myntri rangbah ka jylla u Conrad K Sangma.

Ha kane ka sngi u Myntri rangbah ka jylla U Cornad K Sangma, u nongialam ka liang pyrshah u Dr Mukul Sangma ruh u la ai ia ka jingkren sngewlem ka jong ki, na ka North east India Christian Council la kren da u Rev Dr Ramengliana, u Phadar rev Paulson u ba dei jong ka Archdiocese Oakland ha ka jaka ba u khlad u Archbishop bad kila don ruh ka jingpule ia ki khubor sngewlem na ki bahlor jong ka balang.

 

 

What Next?

Recent Articles

Leave a Reply

Submit Comment

*