Diaw ki paidbah ka thain Marmain ba buh teng ka sorkar ban plie ia ka PHC Ri Bhoi 

Shillong, Naitung 21: Ki nongialam shnong jong ki shnong kiba haka thain marmain mynta ka sngi ka 20 tarik naitung 2022 kila pynpaw ia ka jingsngew lyngoh ka jingslem ban plie noh iaka jaka ai jingsumar ki ba pang ba shitom hakatei ka thian ka Marmain PHC wat la hadien ba la dep ban pynbit pynbiang ia katei ka PHC mynta lah da ki bun bun bnai.

lah ban kdew ba ia katei ka PHC la sdang ban tei naduh u snem 2014 haka por ka sorkar Congress bad la lah ban pyndep ia ka jingtei bad ka jing pynbit pynbiang ha kane ka snem ka ba mynta 2022.

Haba kren shaki ladpathai khubor kitei ki Nongialam shnong ki la iathuh ba baroh ki paidbah nongshong shnong jong ka thain marmain ki la angnud mynta lah da ki phew snem ban ioh ban plie noh iakatei ka PHC namar ki paidbah nongshong shnong ki ju ia kynduh jing eh manla ka por haka pang ka shitom.

Ki la iathuh ba haka jingshisha kat kum u myntri rangbah u la pynbeit ban plie noh iakatei ka PHC haka 16 Lber 2022 hynrei kynsan kynsan la pynsangeh noh iakatei sngi ban plie iaka PHC bad haka wat kaba ar pat la pynbeit ban plie noh haka 29 Lber 2022 hynrei ia kane ruh la pynsangeh biang namar ka jingleit jong myntri rangbah sha nongbah delhi ban soi iaka MoU pynbeit khappud.

Ha ka 25 Tarik Lber 2022 ki nongialam bad ki dkhot ka synjuk ki Rangbah Shnong Marmain Area kila leit ban ia kynduh ia U Myntri Rangbah kaba la synran lang ka kong Magdalene S Mawlong ka kyrtong NPP na Nongpoh Constituency ban ia kren pynbeit halor ban plie noh iakatei ka PHC.

Ha katei ka jingiakynduyh naka liang u Myntri Rangbah ha katei ka jingia kynduh u lah kular ban plie noh hapoh ha u bnai Jymmang 2022 iakatei ka PHC hynrei tad haduh mynta ia kane ruh naka liang u myntri rangbah u khlem pat ong ei ei tad haduh mynta bad la shuh sngap mynthi.

Kum ki nongialam shnong kila pynsngew ba hadien ba ki la wad jingtip halor ka jingpynsangeh naka por shaka por ban plie ia katei ka PHC la kynnoh  ba dei na kadaw ba don na ki katto katne kiba la leit ban pasiaw sha ki bor ba halor ban pynsangeh shwa ban plie iakatei ka PHC.

Kum ki nongkit kam shnong ka thain marmain ki pynpaw ia ka jingsngewsih ban iohi ba ia ka jaka ai jingsumar kaba la dep ban shna mynta ym shym la lah ban plie ha dien ba la buh sngi na ka por sha ka por ki paidbah ka thain ki don kam ia kane ka jaka ai jingsumar na ka bynta ka jingmyntoi jong ki paidbah.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet