Shillong,Naiwieng 26: ka “House Committee on Women Empowerment” (HCWE) mynta ka sngi kala khot hajir ia u Superintendent ki Police bad ia u Deputy Commissioner jong ka East Jiantia Hills District, ban kylli na ki markhmat ia kaei kaba la jia ha Sohshireh kaba la pynlong ban shah bom ka kong Agnes Kharshiing bad ka Amita Sangma.
Haba kren ha ki lad pathai khubor ha dien ka jingiakynduh bad ki bor jong ka District Adminstration ka kong Ampareen kaba dei ka Chairperson jong ka HCWE, kala iathuh ba ka Kommittee kala bethah ia ki bor District Administration East Jiantia Hills ba ki dei ban siew ia ka bai luksan sha ka kong Agnes bad ka Amita mar T. 5 Lakh tyngka hapoh hynniew sngi.
Ha ka juh ka por ka HCWE kala bethah ia ki bor jong ka District Adminstration ba kin phah ia kane ka khubor sha ka sorkar ba dei ban thung ia ka kynhun tohkit kaba laitluid, namar ka jingtohkit kaba la thung da u Deputy Commissioner ban tohkit ia kane ka kam ka dang long tang ha ka kyrdan jong u Additional District Magistrate kam pat long kaba biang, la ong ka Dr Ampareen.
Ka Dr Ampareen kala iathuh ba ka por ba labuh ia ka jingtohkit 15 sngi kala kut, hynrei na ka liang jong u DC u la pynjlan shuh ia kane ka por haduh ka 30 tarik mynta u Naiwieng 2018 ban ai ia ka kaiphot halor kane ka jingjia ha Sohshrieh.
Na ka liang jong ki bor ba dei peit ia ka District Adminstration hapoh jong ka East Jiantia Hills District mynta ka sngi kila iathuh ha ka committee ba haduh mynta la kem hynriew ngut bad ar ngut la shu rah ban tohkit bad mynta ki dang donha kti jong ki pulit, la ong ba na ka liang jong ka kommittee ka shem ba ka don ka jingduna kaba jur ha kaba tohkit halor kane ka jingjia. La iathuh ba u ADM ba tohkit ia kane ka jingjia um shym la wan mih ha khmat jong ka Committee mynta ka sngi.
U Bah HM Shangpliang, u wei na ki dkhot jong ka HCWE, u la iathuh ba ka long kaei kaei kaba ym lah ban sngewthuh ba ka ophis jong u DC ka East Jiantia Hills kala mang pisa tang T.12700/- tyngka ia ka kong Agnes bad Amita ban siew ia ki kum ka bai lutksan bad ia kane ka pisa ruh la mang na ka pla jong ka ‘Disaster management fund’. La iathuh ba ia ka kaiphot kaba lyngkot ka kommittee kan sa leit rah hapoh ka iing dorbar la shai ka sngi.
U Bah Meralborn Syiem, u wei na ki dkhot jogn ka HCWE, u la ong ba ka daw tynrai jong kane ka jingjia baroh kawei na ka jingiakhaii beain ia u dewiong bad u la ong ba kane ka jingbom ia kitei ki ar ngut ka dei kaba la pynkhreh lpa. U Lazarus Sangma u la iathuh ba ka kommittee kala ai por hynniew sngi ban siew ia ka bai lutksan.
Haba jubab ia ki jingkylli ka Dr Ampareen kala ong ba, khlem da jer kyrteng iano aino
