Shillong, Iaiong 16: U Vice President jong ka Ri India u M. Venkaiah Naidu ha ka jingkren ka jong sha ki samla pule jong ka IIM Shillong ka jingpynkup burom ka khyndai ia kiba la lah ban pyndep ia ka jingpule ka jong ki na katei ka jaka pule, u la kyntu ia ki ba kin don ia ka jinglong ba bha, ba lui lui, ha ka jingpynkup burom kaba la long mynta ka sngi ha katei ka jaka pule kaba don ha Nongthymmai.
U Vice President jong ka Ri India u la ong ba ka jingbum don ia ka burom akor ka wan rah ha u briew ban don nym ka jingting ia ka ain bad kane ka wanrah ia ka jinglong kaba sniew ha ki briew. La ong ba ka long kaba don kam ban long kiba lui lui, ban bat ia ka jinglong ba bha, ban ieng ha ka jingshisha bad ban don ia ka mynsiem ia treilang.
Ha kane ka sngi u Vice President u la pynkynmaw ia ki hynniew tylli ki pop kiba u kpa jong ka jaidbynriew u la kren, ka spah khlem da trei shitom, ka jingsngewbha khlem ka jingiatip lem, ka jingstad khlem da don ka jinglong, ka khaii pateng khlem da don ia ka jingia tip hok tip sot, ka jingstad saian khlemd a don ia ka mynsiem briew, ka niam khlem ka jingknia bad ka sain pyrthei kaba khlem don nongrim.
Ha ka juh ka por u la kyntu shuh hsuh ia ki samla pule ba ki dei ban don ia ka jingiaishah, ka jinglong babha, ka nongrim kaba phi dei ban iengskhem, to kynmaw ba ka jingim jong phi kam dei ban don ka jingia dei bad tang kano kano ka jaka kaba phi trei, hynrei ka dei ban khring ia kiba don sawdong jong phi.
U Vice President u la ong ba dei ban don ia ka jinglong kaba don ia ka jingsngewnguh, burom ia ki para briew, kine ki ar tylli ki jinglong kila sdang ban jah ha kane ka juk ia beh spah ha kane ka por mynta. U la ong ba kano kano ka rai kaba phin shim kitei ki nuksa ki dei ban long ki sakhi ia ka jinglong jong phi, la ong u Vice President.
Ha kane ka sngi kiba la synran lang ia u Vice Prsident jong ka Ri ha ka jingpynkup burom kaba khyndai jong ka IIM Shillong, la don long u Lat jong ka jylla u Ganga Prasad ha kaba u la pdiang burom ia u Vice President ka Ri ha kad lieng suin ha Upper Shillong, u myntri kam poh iing jong ka jylla u James K Sangma.
