Shillong, Iaiong 05: U myntri rangbah ka jylla u Conrad K Sangma haba jubab haba ia dei bad ka jingkhang tih dewiong ha ka jylla da kibor jong ka National Green Tribunal, u la ong ba kane ka dei ka kam kaba ka sorkar kala shim khia namar kala ktah ia ka mariang, ka ktah ia ka kamai jong ki briew bad kum juh ia ka pla pisa jong ka sorkar.
U la ong ba kane ka iing dorbar ha ka sorkar kala la dep kala shim ia ka Rai jong ka iing ban thoh sha ka sorkar pdeng ban pynlait ia ka jylla Meghalaya na ka jingkhang tih dewiong hapoh ki kyndon jong ka Sixth Schedule, hynrei namar mynta kane ka iing dorbar kala dei da kawei la don kam ban wanrah da kawei ka rai kaba thymmai.
Ka dei ka jingshisha ba don kam ban iada ka mariang, hynrei ha ka juhka pork am dei ban ktah ia ka kamai ki briew, na ka liang jong ka sorkar kan wad kilad ki lynti kumno ban leh ia kane ka bynta khang ba kan nym ktah ia ka mariang bad ha ka juh ka por ki briew kin ioh kamai na ka jingdon ki mar poh khyndew ha kane ka jylla.
U la ong kumba ka long nalor ba la khang ia ka jingtih dewiong, la khang ruh ia ka jingtih mawshuh. Ka sorkar kan shim khia ia kane ka bynta ban peit ba ki paidbah kim dei ban shem jingeh bad ha ka juh ka por dei ban iada ia ka mariang bad ka jingtrei kam dei ban ktah palat ia ka mariang.
