Shillong, Risaw 19: U bah Thomas Passah u la ong ba la don kam ban wanrah ia ka jingpynkylla ha ka Schedule Tribes List jong u snem 1950 bad ban leh ia kane don kam ia ka rai kaba skhem na ki seng sain pyrthei.
Haba kren ha ki lat pathai khubor mynta ka sngi u la iathuh ba ia kane kila pynsngew ia kane ha u president ka UDP u bah Metbah Lyngdoh namar ba ia kane ka list la shu pdiang ha ka snem 1972 ba ioh ka jylla Meghalaya.
Ha kane ka jingiakren bad u President ka UDP la pynsgnew ba la don kam ban pynkylla namar ba ka long shai ba u wei u briew na kawei ka jylla ym lah ban kam Schedule Tribe ha kawei ka jylla, kumba ka long mynta la bun kiba pyndon bakla ia ka jaid ka kur khasi.
La pynshai shuh shuh ba kum ki khasi haba ki leit ha kiwei ki jylla kim lah ban kam ia ka jinglong Schedule Tribe ha kiwei ki jylla bad halor kane kila don ruh saw tylli ki shithi kiba la phah na ka Ministry Home Affair ha u snem 1975, 1977, 1982 bad 1988.
Ha kane ka jingiakren na ka liang jong u President ka UDP u bah Metbah u la shah skhor halor kane ka jingpynsngew jong ka KSUP ha ka jingiakynduh mynta ka sngi bad u la sngewthuh ia kane ka jingdon kam ban wan rah ia ka jingpynkylla ia ka Schedule Tribes List.
