Shillong, Naiwieng 18: Mynta ka sngi ki pulit jong a Ri Bhoi District kila iohia ka jingtip ba kadon kawei ka Bus kaba la suba ba don ka jingkit ia u drok bala kot da ki phew song phew song kala mih na Manipur ban poi sha Shillong.
Ki pulti jong ka Ri Bhoi kila pynap ktem bad talasi ia ki kali kiba wan sha Meghalaya, ha kane ka jingtalasi ia ki kali ki pulit kila ioh ban bat ia kawei ka Bus kaba don ia u number MN-01-AA-0484 bad na kane ka bus la ioh ban kurup ia ki synduk kiba la suba ba la thep drok.
Na ka liang jong ki pulit haba kila plie ia ki pla ba kila sei sha madan la lap ba ki don ki jingsong jong ki drok ha ki synduk,baroh ki synduk kiba la ioh ban kurup ki don haduh 158 tylli bad ka dor jong u drok heroin la kot sha ka T.14 klur tyngka.
Ki pulit kila kem ia ki lai ngut ki briew, la ioh ban kurup lai tylli ki mobile, ki pulit kila bat ruh ia ka Bus, ki pulti kila register ia ka ejahar bad ka jingtohkit kala iaid ban lap dien shuh shuh ia ki briew kiba don kti ha kine ki kam sniew.
