Shillong, Kyllalyngkot 18: Ki riew sniew kiba ym lah ban tip kila dung ia u Bah Kynpham Syiem 49 snem ka rta ha Dangngar ha ka miet sngi Balang. Na ka liang jong ki pulit Mawsynram kila register ia kane jingjia hapoh katei ka jaka.
Na ka liang jong ki pulit ka Mawsynram Police station kila iathuh ba la kit bak bak ia u Bah Kynpham u hynmen jong u Bah Pynshngianlang Syiem u ba dei u CEM jong ka KHADC bad u ban ia khun ia ka MLA Election na ka 25-Mawsynram Constituency na ka party PDF.
Katkum ka jingiathuh jong ki pulit la ong ba u Bah Kynpham u la mynsaw jur ha kane ka jingshah dung na ki bynta jong ka kpoh ha ki riew sniew ha ka shnong Danggar. La ong ba mynta u don ha pdeng ka jingshah sumar hapoh jong ka Woodland Hospital Shillong.
Na ka liang jong ki pulit kila pynlong ia ka jingkhynra ha katei ka thain ban ioh kem noh ia kine nonglehkam sniew. Na ka liang jong ki pulit kila ker kut ia katei ka thain ban pynthikna ba ki riew sniew kin nym ioh ban phet sha bar jong katei ka jaka.
