New Delhi, Naiwieng 28: U myntri khynnah ka sorkar pdeng u Hardeep Singh Puri ba dei peit ia ki kam shna iing bad ki kam pynroi un lum ia ka jingialang jong ki jylla baroh na North East ha Agartala ha ka sngi Saitjain ban wan ha Agartala ka nongbah jong ka jylla Tripura, shi sngi shuwa ba u Durga Shanker Mishra, Secretary jong ka Ministry u ba dei peit ruh jong ka “National Mission Directors of Urban Missions” un ia kynduh ia ki ophisar jong ki jylla kane ka thain baroh kawei ban bud dien ia ki skhim kiba la pyntrei naduh u snem 2014.
Ki skhim kiba la pyntrei kam ki long kum ka Pradhan Mantri Awas Yojana (Urban), Atal Mission for Rejuvenation and Urban Transformation (AMRUT) bad Smart City Mission, kiba la sdang ha ka 25th Jylliew 2015, ka Swachh Bharat Mission (Urban) kaba la sdang ha ka 2th Risaw 2014 bad ka ki kshim kiba la bei pisa da ka sorkar pdeng 90% bad ki sorkar jylla 10% kiba dang iaid mynta hapoh jong ka North-Eastern Region Urban Development Programme(NERUDP) bad ka DAY-NULM ba kumno ka RERA yn sa ia kren ha kitei ki ar sngi.
Hapoh jong ka skhim PMAY na ka tnad shna iing jong ka sorkar pdeng kala dep mang haduh 2,30,000 tylli ki iing na ka bynta jong ki ba duk ha kine ki phra tylli ki jylla jong ka dong shatei lam mih ngi ha kine ki saw snem kiba la leit bad ka sorkar pdeng kala beipisa T. 1 lak haduh T.2.67 lak na ka bynta kito kiba ioh ia kane ka skhim shna iing katkum ka jinglogn ka jaka.
Hapoh jong ka skhim Atal Mission for Rejuvenation for Urban Transformation (AMRUT) la jied khat ar tylli ki jaka sor ban pynbha ia ka rukom sam umbam umdih khnang ba u wei u briew un ioh ia ka um 135 litter ha ka sngi sngi bad ban pynbha ia ki nala. Ha kane ka skhim ka sorkar pdeng ka bei pisa 90%.
Ki nongbah kiba la ioh ia ka kshim AMRUT, ki long ka Arunachal Pradesh ia ka Itanagar; Assam ia ka Guwahati, Dibrugarh, Naogaon bad Silchar; Manipur ia ka Imphal; Meghalaya ia ka Shillong; Mizoram ia ka Aizawl; Nagaland ia ka Dimapur, Manipur ia ka Kohima; Sikkim ia ka Gangtok; Tripura ia ka Agartala. Ha kitei ki ar sngi kin ia kren ruh ia kiwei kiwei dei ki skhim kiba ka sorkar pdeng kala pyntrei ha ki jylla ka NE.