Ha Bangladesh mynta ym don ktem lehnoh ong u Md Zakir Hossain heh shipai BGB

Shillong, Nailur 27: Ka jingialang ha pdeng ki shipai Border Security Force bad jong ka Bangladesh Border Guard kaba la long saw sngi lynter ha Shillong kala kut mynta ka sngi bad ha kane ka jingiakynduh hapdeng ki ar tylli ki kynhun shipai ba peit ia ki khappud kila ia kren bun ki kam kumno ban iaid ia ka kahppud.

Haba kren lang ha ki lad pathai khubor mynta ka sngi ha ophis jong ka Meghalaya Frontier ha Umpling na ka liang jong u heh shipai jong ka BGB ba ia lam ia kane ka kynhun u Md Zakir Hossain u la ong ba mynta hapoh Bangladesh ym don shuh kita ki ktem lehnoh.

Ha kane ka jingialang na ka liang jong ka Bangladesh kala buh ha khmat eh ia ka jingkhaii masi tuh na kane ka Ri India sha Bangladesh, u la ong ba ka Bangladesh kam don kam ia ki masi na India namar tang kiba don hapoh jong ka Ri ruh kala lah ban pynbiang ia ka jingdon kam ki paidbah.

Kawei pat ka phang kaba ki BGB kila buh ha khmat jong ki BSF ka long ka jingkhaii ia ki drok na kane ka Ri sha Bangladesh khmatam ia u kuli Yoba, ban ia khun pyrshah ia kine ki kam sniew ha khappud la ia mynjur lang ban ia treilang ban ialeh pyrshah ia ki jingsniew.

Na ka liang jong ki BSF kaba la ialam da u Kuldeep Saini, IG BSF Meghalaya Frontier kala buh ha khmat jong ka Bangladesh ia ka jingrung jong ki Nigerian lyngba ka Bangladesh sha India, haba ia dei bad kane la ong ba dei ki kynhun riew sniew kiba la leh ia kane ka kam na liang jong ka Bangladesh kan nym ailad ia kino kino ki kam kiba long pyrshah ia ka India.

Haba ia dei bad ki border hat, na ka liang jong u  Kuldeep Saini u la ong ba kiba la plie mynta ki don ar tylli, kiba dang shna ki don lai tylli, kiba la ioh jingbit ki long saw tylli bad ki dang don shuh kiba ka sorkar ka dang pan jingbit.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet