Ha Cathedral Parsih la pynkyntang lyngdoh ia ki 10 ngut ki Dikon da u Arch Bishop Rev Dominic

Shillong, Kyllalyngkot 19: U Arch Bishop jong ka jylla niam bah Shillong u Rev Dominic Jala, u la pynkyntang lyngdoh ia ki shiphew ngut ki dikon hapoh jong ka balang Katholik, hapdeng ka jingsakhi ki paid riewngeit kiba la ia wan na kylleng jong ki parish bapher bapher jong kane ka sor Shillong.

Ha kane ka jingpynkyntang lyngdoh ia ki shiphew ngut ki dikon, ar ngut ki dei na ka kynhun sengdiocesan, u wei na ka kynhun seng Jesuit bad hynniew ngut ki dei na ka kynhun seng Silesian. Ia kine baroh la pynkyntang ia ki kum u lyngdoh mynta ka sngi ha Cathedral Parish Laitumkhrah.

Ka kyrteng jong kine ki dikon kiba la shah pynkyntang lyngdoh mynta ka sngi ki long, u Dikon Donbosco Kharmawlong, Dikon Primus Syiem, Dikon Pyndeilang Khongkhlad, Dikon Starlight Khongsit, Dikon Michael Khongngain, Dikon Ksankupar Khongwar, Dikon Richard Loius Rapthap kine na ka kynhun seng salesian.

U Dikom Lambert Marbaniang, u Dikon Moses Khongwir kine ki dei na ka kynhun seng Diocesan bad u Dikon Barister Khongrymmai na ka kynhun seng Jesuit. Ia kine ki shiphew ngut ki dikon la pynkyntang lyngdoh ia ki mynta ka sngi ha ka jingiadon lang ki paid lyngdoh na ka balang ban ia skhai bad duwai na ka bynta kine ki lyngdoh thymmai.

Ia ka jinglehniam leh rukom baroh la pyndep da u Arch Bishop Dominic Jala ha ka jingiadon lang ki lyngdoh, na ka liang jong u Lyngdoh sad u la ai ka jingsneng jingkraw ia kine ki lyngdoh kiba dang shah pynkyntang thymmai mynta ka sngi ba kin trei ha kane ka lyngkha ban pynkhriang ia ka jingngeit khristan katholik.

Ha kane ka sngi shuwa ban pynkyntang lyngdoh ia kine ki Dikon kala don ka jingleh niam ha kaba ki kmie ki kpa kila hap ban aiti sha ka balang ha kane ka sngi ban ioh ban pynkyntang lyngdoh hapdeng ka jingia don lang u paid riiewngeit jong ka balang ban ia shakhi lang ia kane ka sngi kaba khraw hapoh ka balang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet